Resolution-klas duikboot

in Wikipedia, die vrye ensiklopedie
Jump to navigation Jump to search

Die Resolution-klasduikboot is die eerste klas van kernaangedrewe ballistiese missielduikbote van die Britse Vloot. Daar is vier duikbote in die klas gebou en hulle was toegerus met Polarismissiele. Die aanvanklike bestelling was vir vyf, maar dit is na vier verminder deur die Arbeiderregering wat in 1964 in Brittanje aan bewind gekom het.

HMS Resolution in 1977

Agtergrond[wysig | wysig bron]

Die Resolution-klas was 'n waterskeidingsklas, hulle is beskou as die ekwivalent van 'n slagskip en derhalwe is hulle genoem na die bekendste slagskepe van die Britse Vloot: Resolution, Repulse, Renown en Revenge.

Hul verskyning het ook finaal Brittanje se status as 'n kernmoondheid bevestig aangesien elkeen van die duikbote 16 Polaris A3-missiele gedra het. Die boeg en agterstewe van elke duikboot is in Engeland vervaardig en dan aanmekaargesit met die middelste gedeelte wat die missiele dra wat in Amerika ontwerp is. Die Polarismissiel is 9,4 m lank en kan teikens 4 630 km ver tref.

Die HMS Resolution is in 1967 in diens gestel en was vir 'n jaar in opleiding terwyl toetse gedoen is voor hy vertrek het na Kaap Kennedy om 'n Polarismissiel af te vuur as deel van die toetse. Eers vyf maande later in Junie 1968 het hy sy eerste operasionele patrollie gedoen. Dit het 'n tydperk van 28 jaar ingelui waartydens die Resolution-klasduikbote op patrollie was.

Die Daily Telegraph het soos volg berig:

Cquote1.svg The Resolutioin in making her first dive of her patrol into the water of a troubled world, will be taking out on behalf of the nation the best insurance policy it has ever had.
Cquote2.svg

Die Resolution-klasduikbote het baie soos die Amerikaanse Los Angeles-klas duikboot gelyk in voorkoms en grootte. Die enigste wesenlike verskil is dat die waterpanele by die Britse duikbote aan die boeg geheg is en nie aan die toring nie.

Die patrollies van die duikbote het soos volg verloop: die boot verlaat sy basis Faslane, gaan onderwater en bly daar op 'n roete en bestemming wat slegs deur die senior offisiere, van 'n bemanning van 156 aanboord, bekend is. Die Britte het die Amerikaanse en Russiese bemanningsmodel gevolg: Elke duikboot het twee bemannings gehad - een groep is ter see en die ander aan land met verlof of besig met opleiding. Die geriewe aan boord was luuks gegewe die omstandighede en tydsduur van die patrollies.

Gedurende die 1980's het die Britse regering 'n ooreenkoms met Amerika aangegaan om Trident-missiele te bekom, dit sou in vier nuwe duikbote in die Vanguard-klas gebruik word. Terselfdertyd is die bestaande Polarismissiele opgradeer met 'n nuwe plofkop, bekend as Chevaline. Die Resolution-klasduikbote is oor vier jaar toegerus met die nuwe plofkoppe en het diens gedoen tot in die middel van die 1990's toe die Vanguard-klas in diens gestel is.

Revenge is uit diens gestel in 1992, Resolution in 1994, Repulse en Renown in 1996. Gedurende hulle aktiewe jare het die Resolution-klasduikbote 229 patrollies suksesvol voltooi, gelukkig moes geeneen van die duikbote 'n missiel in woede afvuur nie.

Tegniese besonderhede[wysig | wysig bron]

Besonderhede van die Resolution-klas duikboot:
Item Statistiek
Verplasing (oppervlak) 7 381 metrieke ton
Verplasing (onderwater) 8 267 metrieke ton
Lengte 130,0 m
Breedte 10,1 m
Aandrywing Rolls-Royce PWR-1 kernreaktor

2 x English Electric stoomturbines
1 x 2 982,5 kW dieselgenerator

Spoed (oppervlak) 20,0 knope
Spoed (onderwater) 25,0 knope
Bemanning 156 persone
Wapens 6 x 533 mm torpedo buise

16 x A3 SLBM Polaris ballistiese missiele

Konstruksieprogram[wysig | wysig bron]

Wimpelnommer: Naam (a) Rompbouer
(b) Hoofmasjinerievervaardiger
Bestel Kiel gelê Te water gelaat Aanvaarding
vir diens
In diens gestel Uit diens gestel Beraamde
boukoste[1]
S22 HMS Resolution (a) Vickers Ltd, Shipbuilding Group, Barrow-in-Furness
(b) Vickers Ltd, Engineering Group, Barrow-in-Furness
(b) English Electric Co Ltd (turbines)
(b) Rolls Royce and Associates Ltd.[2]
8 Mei 1963 [3] 26 Februarie 1964[4] 15 September 1966[4] Oktober 1967[2] 2 Oktober 1967[4] 22 Oktober 1994 £40 240 000[2]
S23 HMS Repulse (a) Vickers Ltd, Shipbuilding Group, Barrow-in-Furness
(b) Vickers Ltd, Engineering Group, Barrow-in-Furness
(b) English Electric Co Ltd (turbines).[5]
8 Mei 1963 [3] 12 Maart 1965[4] 4 November 1967[4] Oktober 1968[5] 28 September 1968[4] 1996 £37,500,000[5]
S26 HMS Renown (a) Cammell Laird & Co (Shipbuilders and Engineers) Ltd, Birkenhead
(b) Vickers Ltd, Engineering Group, Barrow-in-Furness
(b) English Electric Co Ltd (turbines).[5]
8 Mei 1963 [3] 25 Junie 1964[4] 25 Februarie 1967[4] Desember 1968[5] 15 November 1968[4] 1996 £39,950,000[5]
S27 HMS Revenge (a) Cammell Laird & Co (Shipbuilders and Engineers) Ltd, Birkenhead
(b) Vickers Ltd, Engineering Group, Barrow-in-Furness
(b) English Electric Co Ltd (turbines).[6]
8 Mei 1963 [3] 19 Mei 1965[4] 15 Maart 1968[4] Desember 1969[6] 4 Desember 1969[4] Mei 1992 £38,600,000[6]
Ramillies[a] Gekanselleer in 1965.[4]

Bron[wysig | wysig bron]

  • The Illustrated Encyclopedia Of Destroyers Frigates & Submarines, Bernard Ireland en John Parker, 2015, ISBN 978-0-85723-601-2

Verwysings[wysig | wysig bron]

  1. "Eenheidskoste uitgesluit sekere items (bv. vliegtuig, eerste opgraderings)." Teks uit Defences Estimates
  2. 2,0 2,1 2,2 Defence Estimates, 1968–69, bl. 75, List and particulars of new ships which have been accepted or are expected to be accepted into HM service during the Financial Year ended 31st March 1968
  3. 3,0 3,1 3,2 3,3 Jones 2017, p. 451.
  4. 4,00 4,01 4,02 4,03 4,04 4,05 4,06 4,07 4,08 4,09 4,10 4,11 4,12 Gardiner 1995, p. 531.
  5. 5,0 5,1 5,2 5,3 5,4 5,5 Defence Estimates, 1969–70, bl. 75, List and particulars of new ships which have been accepted or are expected to be accepted into HM service during the Financial Year ended 31st March 1969
  6. 6,0 6,1 6,2 Defence Estimates, 1970–71, bl. XII-81, List and particulars of new ships which have been accepted or are expected to be accepted into HM service during the Financial Year ended 31st March 1970