Retief Scholtz

Retief Scholtz (gebore in 1984 in Alberton) is 'n Suid-Afrikaanse skrywer, regisseur en vervaardiger. Nadat hy in 2002 in Groblersdal gematrikuleer het, het hy BCom aan die Noordwes-Universiteit se Potchefstroomkampus studeer, waar hy uiteindelik in 2006 'n honneursgraad in bedryfsielkunde behaal het.^[1] Hy het ook in 2010 'n dramadiploma by die Method Actors' Training Centre in Pretoria voltooi.

Teatertekste

In 2016 het sy eerste teaterstuk Dop (met André Odendaal en Wilhelm van der Walt in die rolverdeling, en Sylvaine Strike as regisseur) by die Pieter Toerien-teater in Johannesburg gedebuteer.^[2]^[3] Dop is in 2017 vir verskeie toekennings genomineer, waaronder ŉ Woordtrofee-nominasie vir André Odendaal as Beste speler by die Woordfees.^[4] 5 Naledi Theatre Awards-nominasies^[5] en 4 Kanna-nominasies by die KKNK.^[6] Retief wen in 2017 die KKNK-Kanna vir beste nuutgeskrewe teks.^[7]

Na Dop het ander teaterstukke gevolg, waaronder Karel se Oupa (met o.a. Tobie Cronjé; genomineer vir 4 Naledi Theatre Awards^[8]) en Weerkaats (met Milan Murray; wenner van die Aardklop Hartsvriende: Beste Produksie^[9]) in 2017, Die voordele van eierwit (met Marion Holm en Margit Meyer-Rödenbeck; genomineer vir 'n kykNET Fiësta vir beste nuutgeskepte teks^[10]) in 2018, en Nagskofkliek (met Melt Sieberhagen en Albert Pretorius; genomineer vir ŉ ATKV Woordveertjie: Dramateks^[11]) in 2019. Retief tree ook as vervaardiger van Nagskofkliek op. Hy skryf ook in 2019, saaam met Etienne Fourie, die teks vir Be(t)roudag wat by InniBos op die planke was.

Hy wen in 2018, vir die tekste van Dop en Weerkaats, die KykNET Fiësta vir Beste opkomende kunstenaar.^[12]

TV-draaiboeke

Retief tree as skrywer op vir verskeie TV-reekse waaronder Dwaalster (2018) saam met Nicola Hanekom, Alles Malan (2018 en 2019) saam met Corné van Rooyen en René van Rooyen, Sara se Geheim (2018 en 2019), Ekstra Medium (2019) saam met Beer Adriaanse, G.I.L. saam met Thomas Hall en Wilmien Rossouw, en Beter as Gister (2024). Hy is ook tussen 2018 en 2021 'n skrywer en storielyner by die telenovella Arendsvlei. Sedert Augustus 2021 is hy die hoofskrywer van die kykNET-sepie Suidooster.

Filmdraaiboeke en -regie

In 2017 skryf hy die draaiboek vir Slaaf, 'n 24 minuut-kortfilm vir die Silwerskermfees, wat genomineer is as Beste Draaiboek by daardie jaar se Sillwerskermfeestoekennings.^[13] Hy skryf in 2020 die draaiboeke vir 4 kykNET-storiefilms: Tannie Elsie, Voor ek Vergeet, Nommer 5 en Nommer 54. In 2021 is hy skrywer en, vir die eerste keer ook regisseur, van die kykNET-TV-films Brompot en Hardegat. Hy skryf in 2023 die draaiboek vir die vollengtefilm Om en Om.

Verwysings

[1] ttps://www.litnet.co.za/n-onderhoud-met-retief-scholtz-hoofskrywer-van-suidooster-op-kyknet/

[2] ttps://www.litnet.co.za/n-onderhoud-met-retief-scholtz-hoofskrywer-van-suidooster-op-kyknet/

[3] ttps://www.netwerk24.com/Netwerk24/sy-karakters-bekender-as-sy-vriende-20161018

[4] ttps://litnet7.rssing.com/chan-53994718/article3206.html?nocache=0

[5] ttps://www.stageandscreen.co.za/naledi-theatre-awards-2017-the-nominees/

[6] ttps://www.diehoorn.com/kuns/hulle-benoem-vir-kannas/

[7] ttps://www.vrouekeur.co.za/nuus-vermaak/kknk-kannas-2017

[8] ttps://www.stageandscreen.co.za/naledi-nominations-2018/

[9] ttps://www.netwerk24.com/sarie/bekendes/het-jy-gehoor/aardklop-wenners-ilse-roos-paul-du-toit-steel-harte-20171006

[10] ttps://www.dstv.com/kyknet/af-za/nuus/hier-is-die-benoemings-10de-kyknet-fiestas

[11] ttps://maroelamedia.co.za/afrikaans/finaliste-van-atkv-woordveertjies-bekendgemaak/

[12] ttps://www.dstv.com/kyknet/af-za/nuus/kyknet-fiestas-2018-hier-is-die-wenners

[13] ttps://www.dstv.com/kyknet/af-za/nuus/silwerskermfees-2017-kortfilm-nominasies

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]