Richard Ernest van der Ross
Prof. Richard Ernest van der Ross (17 November 1921 – 13 Desember 2017) was 'n akademikus en opvoedkundige. Hy is op 17 November 1921 gebore. Hy behaal die grade BA, B.Ed en MA aan die Universiteit van Kaapstad en word lid van die personeel van Battswood-Opleidingskollege. In 1952 verwerf hy sy doktersgraad in filosofie aan 'n Amerikaanse Universiteit. Hy het hom op verskeie gebiede begeef en het in kernposisies gedien. Hy was die eerste redakteur van die Cape Herald koerant. Hy was die eerste leier van die Arbeidersparty en het daaruit bedank toe hy as beplanner vir die destydse Bruin Onderwysdepartment aangestel is. In 1975 word hy aangestel as die eerste bruin rektor aan die Universiteit van Wes-Kaapland (UWK).
Van Der Ross was onbeskaamlik trots op sy agtergrond as 'n bruinmens en was 'n voorstander van 'n unieke Kleurling identiteit.
In 2016 het hy sy laaste boek gepubliseer: In Our Own Skins: A Political History of the Coloured People. Hy sterf op 13 Desember 2017.
Toekennings[wysig | wysig bron]
- Gran Cruz de la Orden del Mérito Civil[1]
