Richard Geldenhuys

in Wikipedia, die vrye ensiklopedie
Jump to navigation Jump to search

Richard Geldenhuys is ’n Afrikaanse digter.

Lewe en werk[wysig | wysig bron]

Richard John Gabriel Geldenhuys is op 12 Februarie 1966 op Kleinmond gebore as een van ses kinders. Aan die einde van 1970 verhuis die gesin na Barrydale naby Swellendam, waar sy vader ’n pos as prinsipaal by die laerskool aanvaar en in 1973 begin hy by hierdie skool met sy skoolopleiding. Aan die einde van 1977 verhuis hulle na Caledon, waar sy pa ’n pos aanvaar en hy sy laerskoolopleiding voltooi. Sy hoërskooljare bring hy deur aan die Senior Sekondêre Skool Swartberg op Caledon waar hy in 1984 matrikuleer. Vanaf 1985 studeer hy verder aan die Universiteit van Wes-Kaapland waar hy in 1987 die B.Sc.-graad verwerf met Wiskunde en Fisika as hoofvakke en in 1988 verwerf hy die Hoër Onderwysdiploma. Tussen 1989 en Junie 2000 gee hy Wiskunde en Wetenskap aan die Senior Sekondêre Skool Grassy Park, waarna swak gesondheid hom dwing om te bedank. Hy vestig hom dan weer op Caledon.

Skryfwerk[wysig | wysig bron]

Vanaf standerd vier skryf hy gedigte, aanvanklik veral oor sy eerste liefdes en die natuur. Van sy gedigte verskyn reeds in 1986 in Standpunte en later ook in die tydskrif Akuut. In 1989 debuteer hy met die bundel[1]Tussenvuur”. Die bundel word in twee afdelings verdeel. “Dagboek” het weer twee sub-afdelings, “kersligkantates”, waarin grepe uit ’n jong liefdesverhouding beskryf word, en “glaskokon”, wat soos die titel suggereer gedigte oor die stad bevat. Die afdeling “Muurskrif” het eweneens sub-afdelings. “Stilvlug” bevat gedronge gedigte waarin die essensie van die gevoel kortliks saamgevat word, terwyl “dum spiro, spero” (solank ek asemhaal, hoop ek) ’n blik bied op die politieke onreg en geweld. Hoewel daar heelwat gedigte is wat sterk onderafdelings het, slaag slegs enkeles in die geheel. Na hierdie bundel publiseer hy nog periodiek gedigte op die webwerf LitNet. Van sy gedigte word in versamelbundels soos “Die Afrikaanse poësie in ’n duisend en enkele gedigte” en “Die dye trek die dye aan” opgeneem.

 Publikasies[wysig | wysig bron]

Jaar Publikasies
1989 Tussenvuur

Bronnelys[wysig | wysig bron]

Boeke[wysig | wysig bron]

  • Kannemeyer, J.C. “Die Afrikaanse literatuur 1652-2004” Human & Rousseau Kaapstad en Pretoria Eerste uitgawe 2005
  • Willemse, Hein “Aan die ander kant” Protea Boekhuis Pretoria Eerste uitgawe Eerste druk 2007

Internet[wysig | wysig bron]

Ongepubliseerde dokumente[wysig | wysig bron]

Resensies[wysig | wysig bron]