Robert Gabriel Mugabe Internasionale Lughawe

in Wikipedia, die vrye ensiklopedie
Jump to navigation Jump to search
Harare International Airport.jpg

Robert Gabriel Mugabe Internasionale Lughawe (voorheen bekend as die Harare Internasionale Lughawe), is die internasionale lughawe in Harare, Zimbabwe. Dit is die grootste lughawe in die land en dien as die basis van Air Zimbabwe. Die lughawe word bestuur deur die Burgerlugvaartowerheid van Zimbabwe. Dit is oorspronklik as Salisbury-lughawe gebou.

Salisbury Lughawe is in 1956 in gebruik geneem en is amptelik op 5 Februarie 1957 geopen; nadat dit £ 924 000 gekos het om te bou.

Voorganger: Belvedere-lughawe[wysig | wysig bron]

Volgens 'n verslag van die Direkteur Burgerlugvaart in 1950, was die stad se oorspronklike vliegveld, Belvedere-lughawe, onvoldoende en moes dit om die volgende redes laat vaar word: [1]

  • die aanloopbaan was ongeveer 45° buite lyn, gegewe dat naderende vliegtuie deur 'n kloof in Warren Hills moes binnekom;
  • as gevolg van die skewe lyn, is vliegtuie gedwing om op te styg oor die middestad, wat 'n werklike gevaar vir ongelukke inhou;
  • die groeiende aantal hoë geboue in die stad, veral Milton-gebou, hou 'n gevaar vir vliegtuie in;
  • Die Belvedere-lughawe is gebou om die RAF Elementary Flying Training School te akkommodeer, so die uitleg en ontwerp van die geboue was nie juis geskik vir kommersiële lugvaart nie.

Daarom moes 'n perseel gevind word vir die konstruksie van 'n lughawe wat veiliger en geskikter sou wees vir kommersiële aktiwiteite.

Nuwe perseel[wysig | wysig bron]

In 1949 het die regering die plase Kentucky en Adair oos van Salisbury (2 700 hektaar) teen 'n koste van £ 54 000 gekoop vir die oprigting van die nuwe lughawe. Die Minister van Mynwese en Vervoer het 'n lughawepaneel gestig om die konstruksie van die lughawe te koördineer. Die paneel het bestaan uit verteenwoordigers van die belanghebbende regeringsdepartemente, die munisipaliteit Salisbury en Rhodesië Spoorweë.

Oorspronklik is verwag dat die lughawe teen 1954 voltooi sou wees. Dit is egter eers twee jaar later voltooi, want in Oktober 1952 het die regering se geld opgedroog en die projek moes tydelik gestaak word. Die nuwe Salisbury-lughawe is uiteindelik op 1 Julie 1956 in gebruik geneem deur die Regering van Rhodesië en Nyasaland.[2] Ná 'n afname in toeriste na Zimbabwe, as gevolg van interne politieke konflikte sedert 2000, het weinig groot lugrederye gebruik gemaak van die lughawe, Emirates is die enigste nie-Afrika-karweier.

Op 9 November 2017 is Harare Internasionale Lughawe amptelik hernoem na die tweede president van Zimbabwe, Robert Mugabe, as Robert Gabriel Mugabe Internasionale Lughawe,[3] 'n besluit wat vroeër in September 2017 aangekondig is en 'n kontroversie veroorsaak het, aangesien baie Zimbabwiërs van mening was dat te veel plekke in die land al genoem is na Mugabe.[4]

Fasiliteite[wysig | wysig bron]

Air Rhodesia het in 1967 sy hoofkwartier op die lughawe gevestig[5] en sedert Zimbabwiese onafhanklikheid in 1980 het Air Rhodesia se opvolger, Air Zimbabwe, die status quo gehandhaaf met sy hoofkantoor ook op die lughawe. [6] [7] Die regulerende owerheid vir burgerlugvaart, die Burgerlugvaartowerheid van Zimbabwe se hoofkantoor is op vlak 3 van die nuwe Internasionale Terminaal. [8]

In Augustus 2018 het Boeing aangekondig dat hy onderhandel met die Zimbabwiese owerhede oor die oprig van 'n plaaslike sentrum op die lughawe vir opleiding en kundige tegniese dienste vir Boeing-vliegtuie.

Verwysings[wysig | wysig bron]

  1. "History of Civil aviation in Rhodesia" (PDF). Geargiveer vanaf die oorspronklike (PDF) op 3 Augustus 2014. Besoek op 19 Januarie 2013.
  2. "southern rhodesia - salisbury airport - terminal building - 1957 - 0287 - Flight Archive". Geargiveer vanaf die oorspronklike op 7 November 2014.
  3. "Zimbabwe renames Harare airport after Robert Mugabe". BBC News. 9 November 2017. Geargiveer vanaf die oorspronklike op 9 Januarie 2018. Besoek op 1 Januarie 2018.
  4. "[Photos] Zimbabwe finally renames its main airport after Mugabe". Africanews.com. 9 November 2017. Geargiveer vanaf die oorspronklike op 22 Maart 2018. Besoek op 21 Maart 2018.
  5. "World Airline Directory." Flight International. 10 April 1969. 557 Geargiveer 4 November 2012 op Wayback Machine. "Head Office: Salisbury Airport. Salisbury. Rhodesia."
  6. "Airline Membership." (Archive) International Air Transport Association. URL besoek op 27 Februarie 2012. "Air Zimbabwe Corporation Harare Airport Harare Zimbabwe"
  7. World Airline Directory. Flight International. 16–22 Maart 2004.78 Geargiveer 4 November 2012 op Wayback Machine. URL besoek op 3 Oktober 2009. "PO Box AP1, Harare Airport, Harare, Zimbabwe"
  8. "Contact Us Geargiveer 22 Julie 2011 op Wayback Machine. "Civil Aviation Authority of Zimbabwe. Physical Address: Level 3, Harare International Airport." URL besoek op 13 Februarie 2011.

Eksterne skakels[wysig | wysig bron]