Robert Prosinečki
_(cropped).jpg) Prosinečki in 2024 | |||
| Persoonlike inligting | |||
|---|---|---|---|
| Geboortedatum | 12 Januarie 1969 | ||
| Geboorteplek | Schwenningen, Wes-Duitsland | ||
| Lengte | 1,82 m | ||
| Speelposisie | Middelveldspeler | ||
| Klubinligting | |||
| Huidige klub | Montenegro (hoofafrigter) | ||
| Jeugloopbaan | |||
| 1974–1980 | Stuttgarter Kickers | ||
| 1980–1986 | Dinamo Zagreb | ||
| Seniorloopbaan* | |||
| Jare | Span | Kere† | (Doele)† |
| 1986–1987 | Dinamo Zagreb | 2 | (1) |
| 1987–1991 | Rooi Ster Belgrado | 117 | (25) |
| 1991–1995 | Real Madrid | 55 | (10) |
| 1994–1995 | → Oviedo (leen) | 30 | (5) |
| 1995–1996 | Barcelona | 19 | (2) |
| 1996–1997 | Sevilla | 20 | (4) |
| 1997–2000 | Croatia Zagreb | 50 | (14) |
| 2000 | Hrvatski Dragovoljac | 4 | (1) |
| 2000–2001 | Standard Liège | 21 | (4) |
| 2001–2002 | Portsmouth | 33 | (9) |
| 2002–2003 | Olimpija Ljubljana | 23 | (3) |
| 2003–2004 | NK Zagreb | 26 | (5) |
| 2005 | Savski Marof | 4 | (1) |
| Totaal | 404 | (84) | |
| Nasionale span | |||
| 1987 | Joego-Slawië o/20 | 5 | (1) |
| 1989–1991 | Joego-Slawië | 15 | (4) |
| 1994–2002 | Kroasië | 49 | (10) |
| Spanne bestuur | |||
| 2006–2010 | Kroasië (assistent) | ||
| 2010–2012 | Rooi Ster Belgrado | ||
| 2012–2014 | Kayserispor | ||
| 2014–2017 | Azerbeidjan | ||
| 2018–2019 | Bosnië en Herzegowina | ||
| 2019–2020 | Kayserispor | ||
| 2020 | Denizlispor | ||
| 2022 | Olimpija Ljubljana | ||
| 2023 | Rudeš | ||
| 2024– | Montenegro | ||
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
Robert Prosinečki (Kroatiese uitspraak: [rǒbert prosinětʃkiː]; gebore 12 Januarie 1969) is ’n professionele sokkerafrigter en voormalige speler wat as ’n middelveldspeler gespeel het. Hy is in Wes-Duitsland gebore, en het internasionaal vir Joego-Slawië en later vir Kroasië gespeel.[1][2][3] Hy is tans die hoofafrigter van die Montenegrynse nasionale span.
Vroeg in sy loopbaan was hy deel van die Rooi Ster Belgrado-span wat drie Joego-Slawiese Eerste Liga-titels gewen het, asook die Europabeker in 1991. Prosinečki het verskeie jare in Spanje deurgebring en vir mededingers Real Madrid en Barcelona gespeel, asook vir Oviedo en Sevilla. Later in sy loopbaan het hy drie Kroatiese ligatitels met Dinamo Zagreb gewen, en het ook in België, Engeland en Slowenië gespeel.
Internasionaal is Prosinečki aangewys as die beste speler toe Joego-Slawië die 1987 FIFA Wêreldjeugkampioenskap gewen het, en was hy naaswenner met die o/21-span by die 1990 Europese Kampioenskap. Hy is ook aangewys as Beste Jong Speler by die 1990 FIFA Wêreldbeker. Hy het 49 wedstryde vir Kroasië gespeel tussen 1994 en 2002, en het deelgeneem aan die Europese Kampionskap in 1996, sowel as die Wêreldbekertoernooie van 1998 en 2002, en het gehelp om die span tot ’n derde plek in 1998 te lei.
Na sy aktiewe sokkerloopbaan het Prosinečki van 2006 tot 2010 as assistentafrigter van die Kroasië nasionale span gewerk, voordat hy in Desember 2010 as hoofafrigter van Rooi Ster Belgrado aangestel is. Hy het die klub in 2012 verlaat en twee maande later by die Turkse klub Kayserispor aangesluit. Internasionaal was hy ook hoofafrigter van die Azerbeidjanse nasionale span van 2014 tot 2017 en van Bosnië en Herzegowina van 2018 tot 2019. Daarna het hy weer Kayserispor, Denizlispor, Olimpija Ljubljana en Rudeš afgerig.
Verwysings
[wysig | wysig bron]- ↑ Gori, Alessandro (Desember 2015). "Crvena Zvezda 1991: una Stella Rossa nel cielo" (in Italiaans). storiedicalcio.altervista.org. Besoek op 14 Julie 2019.
- ↑ "Futbolistas de Leyenda: Robert Prosinecki". es.paperblog.com. 10 Desember 2010. Besoek op 6 Januarie 2018.
- ↑ Holiga, Aleksandar (29 April 2014). "Where Does Luka Modric Rank Among Croatia's Greatest Midfielders?". Bleacher Report. Besoek op 14 Julie 2019.
