Robert Stephenson and Company

in Wikipedia, die vrye ensiklopedie
Jump to navigation Jump to search
Robert Stephenson and Company
New South Wales Government Locomotive No. 1c.jpg
Tipe Privaatmaatskappy
Gestig 1823
Hoofkantoor Newcastle upon Tyne, later Darlington, Verenigde Koninkryk
SleutelpersoneGeorge Stephenson, Robert Stephenson en Edward Pease (stigters)
IndustrieIngenieurswese
ProdukteLokomotiewe
Ontbind1960

Robert Stephenson and Company was 'n lokomotief vervaardigingsmaatskappy wat in 1823 gestig is. Dit was die eerste maatskappy wat gestig is om spesifiek spoorlokomotiewe te vervaardig.

Stigting en vroeë sukses[wysig | wysig bron]

Fabriekskantore in Suidstraat, Newcastle, Engeland.

Die maatskappy is gestig in 1823 in Forthstraat, Newcastle-upon-Tyne in Engeland deur George Stephenson en sy seun, Robert, saam met Edward Pease en Michael Longridge (die eienaar van die ysterwerke op Bedlington). Die bestuurder van die fabriek was aanvanklik James Kennedy.

Die maatskappy se eerste lokomotief was Locomotion No 1, wat die Stockton en Darlington-lyn geopen het, gevolg deur drie meer: Hope, Black Diamond en Diligence. Hul vertikale silinders het veroorsaak dat hierdie lokomotiewe oormatig geskud het, en op die Hetton steenkoolspoorlyn het Stephenson selfs "stoomvere" ingestel wat as onbevredigend bewys is. In 1828 het hy die "Eksperiment" van stapel gestuur, 'n lokomotief met skuisgemonteerde silinders, wat verbeterde stabiliteit beteken het en gemonteer kon word op vere. Oorspronklik was dit 'n vierwiel, maar dit is aangepas vir ses wiele, en nog 'n voorbeeld, Victory, is gebou. Rondom hierdie tyd is twee lokomotiewe vir Amerika gebou. Die eerste, 'n vier-gekoppelde loko met die naam America, is deur die Delaware en Hudson Spoorweg bestel. Die tweede, 'n ses-gekoppelde loko met die naam Whistler, is vir die Boston and Providence Spoorweg gebou in 1833.

Ontwerp van die langketel[wysig | wysig bron]

Die toename in die afstand deur baie treine afgelê, het probleme uitgewys met die vuurherte en skoorstene. In samewerking met die North Midland Railway by hul Derbywerke, het Stephenson die temperatuur van die uitlaatgasse gemeet, en besluit om die ketels op toekomstige stoomenjins te verleng. Aanvanklik was hierdie "langketelenjins" 2-2-2 ontwerpe, maar in 1844 het Stephenson die volgwiele na die voorkant verskuif in 4-2-0 uitleg, sodat die silinders tussen die ondersteuningswiele gemonteer kon word. In 1846 voeg hy weer 'n paar volgwiele by - die eerste lokomotief met agt wiele. Nog 'n belangrike innovasie in 1842 was die Stephenson skakelbeweging.

In die twintigste eeu[wysig | wysig bron]

Vir res van die eeu, was die maatskappy vooruitstrewend ten spyte van toenemende mededinging, deur die verskaffing van toerusting aan plaaslike asook oorsese spoorweë. Teen 1899 was reeds 3 000 lokomotiewe gebou, en 'n nuwe maatskappy met beperkte aanspreeklikheid is gevorm, Robert Stephenson and Company. Die fabriek en werke is verskuif na Darlington, waar die eerste lokomotief die werkswinkel verlaat in 1902.

Eksterne skakels[wysig | wysig bron]