Robert de Niro

in Wikipedia, die vrye ensiklopedie
Spring na: navigasie, soek
Robert de Niro
'n Beeld van die betrokke persoonlikheid.
Robert de Niro in 2011

Geboorte 17 Augustus 1943
New York-stad
Nasionaliteit Verenigde State van Amerika
Beroep(e) Akteur, regisseur, vervaardiger
Aktiewe jare 1959 - nou
Rolprente Sien teks.
Internet-rolprentdatabasis-profiel

Robert de Niro (gebore 17 Augustus 1943) is 'n Amerikaanse akteur, regisseur, vervaardiger en stemkunstenaar. Van sy bekendste rolprente is: Mean Streets (1973), The Godfather: Part II (1974), Taxi Driver (1976), The Deer Hunter (1978) en meer onlangs Casino (1995) en The Good Shepherd (2006).

Biografie[wysig | wysig bron]

De Niro is op 17 Augustus 1943 in die New Yorkse buurt Greenwich Village gebore. Hy is die seun van die skilder en beeldhouer Robert de Niro sr. en Virginia Admiral. Sy ouers skei toe hy slegs twee jaar oud was. Daarna woon hy saam met sy moeder in Little Italy (Manhattan). Sy pa het binne loopafstand gewoon en hulle het mekaar gereeld gesien.

Op tienjarige ouderdom kry hy sy eerste toneelervaring in 'n skoolproduksie, waar hy die rol van die lafhartige leeu in die The Wizard of Oz vertolk. Op 14 verlaat hy middelbare skool om 'n lid van 'n straatbende te word. Hierna kry hy toneelopleiding aan die Stella Adler Conservatory of Acting en by Lee Strasberg se Actor's Studio.

Hy maak sy debuut as rolprentakteur in 1963 op 20-jarige ouderdom in The Wedding Party, maar dit is eers in 1969 vrygestel.

Pryse en benoemings[wysig | wysig bron]

Robert de Niro in 1988

Oscar-pryse[wysig | wysig bron]

  • Wen: Beste Ondersteunende Akteur, The Godfather Part II (1974)
  • Benoem: Beste Akteur, Taxi Driver (1976)
  • Benoem: Beste Akteur, The Deer Hunter (1978)
  • Wen: Beste Akteur, Raging Bull (1980)
  • Benoem: Beste Akteur, Awakenings (1990)
  • Benoem: Beste Akteur, Cape Fear (1991)

Bafta-pryse[wysig | wysig bron]

  • Benoem: Beste Nuweling, The Godfather Part II (1976)
  • Benoem: Beste Akteur, Taxi Driver (1977)
  • Benoem: Beste Akteur, The Deer Hunter (1979)
  • Benoem: Beste Akteur, Raging Bull (1982)
  • Benoem: Beste Akteur, The King of Comedy (1984)
  • Benoem: Beste Akteur, Goodfellas (1990)

Eksterne skakels[wysig | wysig bron]