Robinho
 Robinho in 2006 | |||
| Persoonlike inligting | |||
|---|---|---|---|
| Geboortedatum | 25 Januarie 1984[1] | ||
| Geboorteplek | São Vicente, São Paulo, Brasilië | ||
| Lengte | 1,72 m | ||
| Speelposisie | Aanvaller | ||
| Jeugloopbaan | |||
| 1996–2002 | Santos | ||
| Seniorloopbaan* | |||
| Jare | Span | Kere† | (Doele)† |
| 2002–2005 | Santos | 108 | (47) |
| 2005–2008 | Real Madrid | 101 | (25) |
| 2008–2010 | Manchester City | 41 | (14) |
| 2010 | → Santos (leen) | 14 | (5) |
| 2010–2015 | AC Milan | 108 | (25) |
| 2014–2015 | → Santos (leen) | 41 | (17) |
| 2015–2016 | Guangzhou Evergrande | 10 | (3) |
| 2016–2017 | Atlético Mineiro | 80 | (31) |
| 2018–2019 | Sivasspor | 30 | (12) |
| 2019–2020 | İstanbul Başakşehir | 32 | (4) |
| 2020 | Santos | 0 | (0) |
| Totaal | 542 | (173) | |
| Nasionale span | |||
| 2004 | Brasilië o/23 | 8 | (3) |
| 2003–2017 | Brasilië | 100 | (28) |
| Spanne bestuur | |||
| 2020-2022 | Santos (assistent) | ||
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
Robson de Souza (gebore op 25 Januarie 1984), beter bekend as Robinho (Portugese uitspraak: [ʁɔˈbĩɲu]), is ’n voormalige Brasiliaanse professionele sokkerspeler wat as ’n aanvaller gespeel het.
In 1997, toe hy net 12 jaar oud was, is Robinho deur die Brasiliaanse sokkerlegende Pelé as sy opvolger uitverkies. In 2002 het hy Santos gelei na hul eerste Campeonato Brasileiro-titel sedert Pelé self vir die klub gespeel het. Daarna het hy ’n tweede titel met Santos gewen, twee kampioenskappe saam met Real Madrid in Spanje, en die Italiaanse Serie A-titel in sy eerste seisoen by AC Milan. Op internasionale vlak het Robinho een Copa América-titel en twee FIFA Konfederasiebekers saam met die Brasiliaanse nasionale span gewen, en aan twee Wêreldbekertoernooie deelgeneem.
Verkragtingsvonnis
[wysig | wysig bron]Op 23 November 2017 is Robinho deur 'n Italiaanse hof tot nege jaar tronkstraf gevonnis vir sy betrokkenheid by die groepsverkragting van 'n 22-jarige Albanese vrou in Januarie 2013 by ’n nagklub in Milaan.[2] Polisiedokumente het elektroniese boodskappe openbaar waarin hy die voorval afgemaak het en geen berou getoon het nie. Een van die boodskappe het selfs gewys hoe hy gelag het en gesê het die vrou was te dronk om iets te onthou.[3] Volgens die Italiaanse reg kon die straf eers toegepas word ná die appèlproses.[4] Robinho was intussen in Brasilië, en omdat Brasilië nie sy burgers uitlewer nie, kon Italië hom nie arresteer nie.[5]
In Desember 2020 het die hof van appèl in Milaan die vonnis bekragtig en hom daarvan beskuldig dat hy die slagoffer verneder en ondersoekers probeer mislei het.[6] Italië se hoogste hof het die skuldigbevinding weer bevestig in Januarie 2022, waarna 'n internasionale lasbrief teen hom uitgereik is.[7] Italië het in Oktober 2022 formeel versoek dat Brasilië hom en 'n medeveroordeelde, Ricardo Falco, uitlewer – maar die Brasiliaanse howe het dit geweier.
In Februarie 2023 het Italië toe gevra dat Brasilië die twee hul vonnisse laat uitdien binne Brasilië, soos moontlik gemaak deur ’n migrasiewet van 2017.[8][9] Die Hooggeregshof van Justisie in Brasilië het ingestem, hul paspoorte gekonfiskeer, en Robinho verbied om die land te verlaat.[10][11][12] In Maart 2024 is finaal beslis dat Robinho sy nege jaar tronkstraf in Brasilië sal uitdien, gebaseer op die oorspronklike Italiaanse skuldigbevinding.[13]
Verwysings
[wysig | wysig bron]- ↑ "Robinho: Overview". Premier League. Geargiveer vanaf die oorspronklike op 17 Desember 2022. Besoek op 17 Desember 2022.
- ↑ "Italian court sentences Robinho to nine years in jail for rape". The Guardian. 23 November 2017. Besoek op 23 November 2017.
- ↑ Phillips, Tom (22 Oktober 2020). "'Lack of shame': Robinho scandal highlights Brazil's rape crisis". The Guardian. Besoek op 24 Julie 2021.
- ↑ "Robinho sentenced to nine years in prison after being found guilty of sexual assault". Metro (UK edition). 23 November 2017. Besoek op 23 November 2017.
- ↑ "Robinho can't be extradited". Football Italia. London. 24 November 2017. Besoek op 4 Desember 2017.
- ↑ "Robinho's nine-year prison sentence for sex assault upheld by Milan court". ESPN. 10 Desember 2020.
- ↑ Garcia, Adriana (11 Maart 2021). "Milan court: Robinho 'brutally humiliated' rape victim". ESPN. Besoek op 24 Julie 2021.
- ↑ "Italy asks Brazil forward Robinho to serve prison sentence in home country". Reuters (in Engels). 18 Februarie 2023. Besoek op 10 Maart 2023.
- ↑ "Nova Lei de Imigração pode obrigar Robinho a cumprir pena no Brasil | Metrópoles". www.metropoles.com (in Portugees). 4 November 2022. Besoek op 10 Maart 2023.
- ↑ gazetaesportiva. "STJ determina citação de Robinho em pedido para cumprimento de prisão". Terra (in Portugees). Besoek op 10 Maart 2023.
- ↑ "Caso Robinho: STJ dá primeiro passo para que amigo do ex-jogador também cumpra pena no Brasil". Yahoo Sports (in Portugees). Geargiveer vanaf die oorspronklike op 10 Maart 2023. Besoek op 10 Maart 2023.
- ↑ "Em manifestação ao STJ, Ministério Público Federal concorda em transferir pena de prisão de Robinho para o Brasil". G1 (in Portugees). 27 Februarie 2023. Besoek op 10 Maart 2023.
- ↑ "Football player Robinho to serve rape sentence in Brazil, court rules". The Guardian. 21 Maart 2024. Besoek op 21 Maart 2024.
