Robot

in Wikipedia, die vrye ensiklopedie
Jump to navigation Jump to search
Valkyrie-robot-3.jpg
European Proximity Operations Simulator (EPOS) test facility in Oberpfaffenhofen.jpg

'n Robot is 'n masjien, veral een wat deur 'n rekenaar programmeerbaar is, wat in staat is om 'n ingewikkelde reeks aksies outomaties uit te voer. Robotte kan deur 'n eksterne beheertoestel gelei word, of die beheer kan binne die robot ingebed wees. Robotte kan gebou word sodat hulle soos mense lyk, maar die meeste robotte is masjiene wat ontwerp is om 'n taak uit te voer sonder om hul estetika in ag te neem.

Robotte kan outonoom of semi-outonoom wees. Deur 'n lewensgetroue voorkoms na te boots of bewegings te outomatiseer, kan 'n robot 'n gevoel van intelligensie of eie gedagtes oordra. Dit word verwag dat outonome dinge in die komende dekade sal vermeerder,[1] met tuisrobotika en outonome-karre as van die belangrikste drywers.[2]

Die tak van tegnologie wat handel oor die ontwerp, konstruksie, werking en toepassing van robotte, sowel as rekenaarstelsels vir die beheer, sensoriese terugvoer en inligtingverwerking staan bekend as robotika.

Etimologie[wysig | wysig bron]

Die woord robot is deur die Tsjeggiese tussenoorlogskrywer Karel Čapek aan die publiek bekendgestel in sy toneelstuk Rossumovi Univerzální Roboti (Rossum se Universele Robotte), wat in 1920 gepubliseer is. [3] Karel noem egter sy broer Josef Čapek as die ware uitvinder van die term robot.[4][5] Die woord 'robot' self was nie nuut nie, omdat dit reeds in die Slawiese taal robota (dwangarbeider) was, 'n term wat die kleinboere wat verplig was tot diens onder die feodale stelsel geklassifiseer het.[6][7] Die fiktiewe verhaal van Čapek postuleer die tegnologiese skepping van kunsmatige menslike liggame sonder siele, en die ou tema van die feodale robotota-klas pas goed met die verbeelding van 'n nuwe klas vervaardigde kunsmatige werkers.

Verwysings[wysig | wysig bron]

  1. https://www.conres.com/it-products-solutions/news-events/top-10-tech-trends-autonomous-agents-things/ Geargiveer 19 April 2017 op Wayback Machine opgespoor 18 April 2017
  2. "Forecasts - Driverless car market watch". www.driverless-future.com. Geargiveer vanaf die oorspronklike op 2017-04-19. Besoek op 2017-04-18.
  3. Zunt, Dominik. "Who did actually invent the word "robot" and what does it mean?". The Karel Čapek website. Geargiveer vanaf die oorspronklike op 2012-02-04. Besoek op 2007-09-11.
  4. Karel Capek – Who did actually invent the word "robot" and what does it mean? at capek.misto.cz[dooie skakel]archive
  5. Kurfess, Thomas R. (1 Januarie 2005). Robotics and Automation Handbook. Taylor & Francis. ISBN 9780849318047. Geargiveer vanaf die oorspronklike op 4 Desember 2016. Besoek op 5 Julie 2016 – via Google Books.
  6. "Merriam-Webster Dictionary: robot". Geargiveer vanaf die oorspronklike op 2017-03-07. Besoek op 2017-03-06. Origin: Czech, from robota, compulsory labor
  7. "Science Diction: The Origin Of The Word 'Robot'". Geargiveer vanaf die oorspronklike op 2018-04-17. Besoek op 2018-04-05.

Eksterne skakels[wysig | wysig bron]