Romeo and Juliet (1968-rolprent)
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
| Romeo and Juliet | |
|---|---|
| Regisseur | Franco Zeffirelli |
| Vervaardiger | John Brabourne Anthony Havelock-Allan |
| Draaiboek | Franco Brusati Masolino D'Amico Franco Zeffirelli |
| Geskoei op | Romeo en Juliet deur William Shakespeare |
| Met |
|
| Musiek deur | Nino Rota |
| Kinematografie | Pasqualino de Santis |
| Ateljee | BHE Films Dino De Laurentiis Cinematografica Verona Produzione |
| Verspreider | Paramount Pictures |
| Uitgereik | 4 Maart 1968 |
| Speeltyd | 138 minute |
| Land | Italië VK |
| Taal | Engels Italiaans |
| IMDb-profiel | |
LINKS: Franco Zeffirelli help Leonard Whiting met sy masker in 'n toneel in Romeo and Juliet. REGS: 'n Jong Olivia Hussey. |
Romeo and Juliet (Italiaans: Romeo e Giulietta) is 'n romantiese tragedie en periodedrama van 1968, gebaseer op die toneelstuk met dieselfde naam deur William Shakespeare. Die regisseur en medeskrywer is Franco Zeffirelli en die naamrolspelers Leonard Whiting as Romeo en Olivia Hussey as Juliet. Laurence Olivier is die verteller. Ook in die prent is die akteurs Milo O'Shea, Michael York, John McEnery, Bruce Robinson en Robert Stephens.
Die rolprentverwerking van 'n Shakespeare-toneelstuk was gewild tydens die uitreiking van die prent. Dit was gesog onder tieners omdat dit die eerste verwerking was met akteurs wat amper net so jonk soos die oorspronklike hoofkarakters is. Dit het ook baie goeie resensies gekry. Die prent het die Oscar vir beste kinematografie en beste kostuumontwerp gewen. Dit is ook benoem vir beste regisseur en beste rolprent, en was die eerste Shakespeare-rolprent wat in laasgenoemde kategorie benoem is. Whiting en Hussey het albei Golden Globes gewen vir beste nuwelinge.
Rolverdeling
[wysig | wysig bron]
|
|
|
Uitreiking en ontvangs
[wysig | wysig bron]
Romeo and Juliet se première was op 4 Maart 1968 tydens die Royal Film Performance. Dit is die volgende dag in Brittanje uitgereik, op 8 Oktober 1968 in die VSA en op 19 Oktober in Italië.
Op Rotten Tomatoes is 95% van 41 resensies positief, met 'n gemiddelde punt van 8/10. Die webtuiste se konsensus lui: "Die goeie spel en treffende visuele kenmerke maak Zeffirelli se Romeo and Juliet dalk dié verwerking van die toneelstuk."[1]
Roger Ebert van die Chicago Sun-Times skryf: "Ek dink Franco Zeffirelli se Romeo and Juliet is die opwindendste prent van Shakespeare wat nog gemaak is."[2]
Pryse
[wysig | wysig bron]Die prent het talle pryse gewen, onder meer 'n Oscar vir beste kinematografie en beste kostuumontwerp, 'n Bafta vir kostuumontwerp, en Golden Globes vir beste buitelandse prent in Engels en beste nuwelinge vir Whiting en Hussey.
Dit het ook die Italiaanse Nastro d'Argento-prys ontvang vir beste regisseur, kinematografie, kostuumontwerp, musiek en produksieontwerp. Op die Thessaloniki- Internasionale Rolprentfees in Griekeland het dit die prys vir beste rolprent gewen en het Zeffirelli die ereprys ontvang.
Sien ook
[wysig | wysig bron]- Romeo en Juliet vir die storielyn.
Verwysings
[wysig | wysig bron]- ↑ "Romeo and Juliet (1968)". Rotten Tomatoes. Geargiveer vanaf die oorspronklike op 5 Desember 2020. Besoek op 28 Februarie 2023.
- ↑ Ebert, Roger (15 Oktober 1968). "Romeo and Juliet". The Chicago Sun-Times. Geargiveer vanaf die oorspronklike op 13 Julie 2019. Besoek op 17 Januarie 2014 – via RogerEbert.com.
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.