Rooimeerkat

in Wikipedia, die vrye ensiklopedie
Spring na: navigasie, soek
Rooimeerkat
Bewaringstatus
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Carnivora
Familie: Herpestidae
Subfamilie: Herpestinae
Genus: Cynictis
Ogilby, 1833
Spesie: C. penicillata
Binomiale naam
Cynictis penicillata
Cuvier, 1829

Die rooimeerkat (Cynictis penicillata), ook bekend as die witkwasmuishond, is 'n soogdiertjie wat in Suider-Afrika voorkom.

Daar is tot 12 subspesies van die rooimeerkat geïdentifiseer, elk kan onderskei word aan sy grootte, kleur en die lengte van sy hare en stert. Rooimeerkatte in die suide van hul verspreidingsarea is oor die algemeen groter met 'n geelbruin pels, terwyl dié in die noorde kleiner is, met 'n grys-geel pels. Die suidelike subspesies se pelskleur wissel ook soms van seisoen tot seisoen. Die suidelike spesies het 'n langer hare, met lang sterte met 'n wit punt; die noordelike subspesies het korter hare en 'n korter stert, sonder 'n wit punt. Die gemiddelde lengte van 'n volwasse, suidelike rooimeerkat is 65 cm.

Cynictis penicillata.jpg

Rooimeerkatte vang insekte, muise en voëls, en vreet ook graag dié se eiers. Hulle sal soms ook aas, of henne se eiers steel.

Paring vind gewoonlik in die eerste week van Julie plaas en duur vir 30 tot 60 sekondes per keer. Na bevrugting is 'n wyfie vir 42 tot 57 dae dragtig, waarna sy geboorte gee aan twee kleintjies. Dit is nie bekend of mannetjies die wyfies hulp met die voeding en sorg van die kleintjies nie. 'n Rooimeerkat het 'n moontlike lewensduur van 12 tot 13 jaar.

Rooimeerkatte is meestal oordag aktief, wanneer dit op soek is na kos, maar soms ook snags. Hulle is sosiale diere en kolonies is dikwels gesentreer om 'n familie met 'n mannetjie en wyfie, hulle jongste kleintjies en ander individuele rooimeerkatte wat op 'n manier met die groep geassosieer is.

Dit is 'n stil diertjie, maar sal soms skree tydens gevegte met ander diere, of grom wanneer dit bedreig word. Verder blaf en spin dit ook. Daar word geglo dat hulle hulle sterte gebruik om met mekaar te kommunikeer.

Rooimeerkatte kan help om die aantal insekte en knaagdiere in bedwang te hou, maar hou ook 'n nadeel vir die mens in as 'n draer van hondsdolheid. Baie boere probeer rooimeerkatte uitroei, siende dat hulle 'n gevaar vir die mense en diere op die plaas in hou.

Sien ook[wysig]

Bronnelys[wysig]

  1. Taylor, P.J. & Hoffmann, M. (2008). Cynictis penicillata. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 22 March 2009. Databasis inskrywing gee kort verdediging hoekom hierdie spesie nie bedreigd is nie.
  • Soogdiere van die Krugerwildtuin en ander Nasionale Parke (1979). Saamgestel deur Die Nasionale Parkeraad. 'n Publikasie van die Raad van Kuratore vir Nasionale Parke van die Republiek van Suid-Afrika. ISBN 0-86953-027-5.
  • Light, J. 1999. "Cynictis penicillata", Animal Diversity Web.