Rosengarten

Die Rosengarten-massief, met die pieke Tscheiner Spitze (2810 m, links) en Rotwand (2806 m, regs)

Die ses Vajolet-torings, 'n rotsformasie in die sentrale gedeelte van die Rosengarten-massief, geleë in die Val de Fassa

Die Rosengarten (Italiaans: Catinaccio, Ladinies: Ciadenac) is 'n bergmassief wat deel uitmaak van die Dolomiete, 'n berggroep in die noorde van Italië, geleë tussen die Tierser- en Eggen-vallei in Suid-Tirol en die Fassa-vallei (Val de Fassa) in Trentino. Die massief, wat in die Natuurpark Schlern-Rosengarten (Italiaans: Parco naturale dello Sciliar-Catinaccio) geleë is, staan bekend vir sy rooskleurige voorkoms wat met die laaste sonstrale voor sononder tot die sogenaamde Alpegloei (Ladinies: enrosadira) lei.