Rudolf van Wyk

in Wikipedia, die vrye ensiklopedie
Jump to navigation Jump to search
Ds. R.S.J. van Wyk
Ds. Hennie Venter
Ds. R.S.J van Wyk

Naam Rudolf Stefanus Jacobus van Wyk
Geboorte 18 Maart 1906
Colesberg , Kaapkolonie
Sterfte 26 Julie 1978 (op 72)
Kerkverband Gereformeerd
Gemeente(s) Fauresmith-kombinasie (1938–'42), Barkly-Oos (1942–'945), Kuruman (1945–'49), Kimberley (1949–1953), Bronkhorstspruit (1954–'71)
Jare aktief 1938–1971
Kweekskool Teologiese Skool Potchefstroom

Ds. Rudolf Stefanus Jacobus van Wyk (plaas Hamelfontein, distrik Colesberg, Kaapkolonie, 18 Maart 190626 Julie 1978) was tussen 1938 en sy emeritering in 1971 predikant in vyf gemeentes of kombinasies van die Gereformeerde Kerke.

Herkoms[wysig | wysig bron]

Van Wyk is op die plaas Hamelfontein gebore waar ds. Dirk Postma die Gereformeerde kerk Colesberg op 8 Desember 1860 gestig het. Hy was die sesde seun en sewende kind van Jacobus Daniël van Wyk en Magdalena Hendrina (née De Klerk). ln 1938 is hy in die huwelik bevestig met Hendrina Johanna Coetzee. Uit dié geseënde huwelik is twee seuns gebore. Die een was professor aan RAU en die ander een verbonde aan die assuransiewese.

Opleiding[wysig | wysig bron]

Ná voltooiing van sy skoolloopbaan, skryf hy as student in aan die PUK met die oog daarop om predikant te word. Einde 1930 behaal hy die B.A.-graad en einde 1933 die B.D.-graad, om einde 1934 sy kandidaats te voltooi. As proponent lewer hy diens in die gemeentes Venterstad en Klerksdorp.

Gemeentediening[wysig | wysig bron]

Mev. ds. R.S.J. (Hendrina) van Wyk.

As predikant het hy agtereenvolgens bedien: Fauresmith-kombinasie van 1938–1942, Barkly-Oos van 1942–1945, Kuruman van 1945–1949, Kimberley 1949–1953 en Bronkhorstspruit 1954–1971. In die kerkverband het hy in verskeie deputategroepe en kommissies gedien en was hy jare lank deputaat vir korrespondensie van die Klassis Lydenburg. Uit sy pen het talle artikels asook twee kosbare bundels Skrifoordenkings met die titel: Balsem van Gilead verskyn.

Aftrede en dood[wysig | wysig bron]

Ná 'n bedieningstyd van 33 jaar, waarvan 17 jaar op Bronkhorstspruit, emeriteer hy in 1971 en bly woon te Bronkhorstspruit, tot sy afsterwe op 26 Julie 1978. Die kerkraad en gemeente het selfs ná sy emeritering nog met groot waardering van sy dienste gebruik gemaak. Twee weke voor sy afsterwe het hy vir die laaste keer die Woordbediening van hierdie kansel af waargeneem. In die sowat sewe jaar vandat hy geëmeriteer het, het hy in verskeie gemeentes op versoek gepreek. Veral in Springs het hy etlike maande lank so te sê elke Sondag gepreek.

Ds. P.A. Smit skryf in ds. Van Wyk se lewensberig in die Almanak van 1979: "As sy opvolger hier op Bronkhorstspruit, wil ek getuig van oom Roelf en tant Henna se pragtige gesindheid teenoor my en my vrou en die mooi samewerking wat daar tussen ons bestaan het. Kerkraad, gemeente en gemeenskap van Bronkhorstspruit, sowel as die kerkverband, bring in dankbare herinnering die mooi werk van hierdie dienskneg van die Here wat eg Gereformeerd wou wees en gebly het tot sy dood toe."

Bronne[wysig | wysig bron]

  • (af) Smit, ds. P.A. in De Bruyn, ds. F.R.P. et al. 1979. Almanak van die Gereformeerde Kerke in Suid-Afrika vir die jaar 1980. Potchefstroom: Administratiewe Buro.