Rustelosebenesindroom

in Wikipedia, die vrye ensiklopedie
Jump to navigation Jump to search
Rustelosebenesindroom
Klassifikasie en eksterne bronne
Slaappatrone in ’n mens met rustelosebenesindroom (rooi) teenoor dié van iemand daarsonder (blou).
Slaappatrone in ’n mens met rustelosebenesindroom (rooi) teenoor dié van iemand daarsonder (blou).
ICD-10 G25.8
ICD-9 333.94
OMIM 102300
DiseasesDB 29476
MedlinePlus   000807
eMedicine neuro/509
MeSH D012148
Star of life caution.svg Mediese waarskuwing

Rustelosebenesindroom (RBS) is gewoonlik ’n langtermynsteuring wat meebring dat iemand ’n sterk drang kry om sy bene te beweeg.[1][2] Daar is dikwels ’n onaagename gevoel in die bene wat effens verbeter as ’n mens hulle beweeg.[1] Dié gevoel word onder meer beskryf as ’n pyn, tinteling of krieweling.[1] Soms word die arms ook geraak.[1]

Die gevoel kom gewoonlik voor wanneer ’n mens rus en daarom kan dit slaap bemoeilik.[1] Weens die versteuring tydens slaap kan mense met RBS deur die dag moeg, geïrriteerd of depressief wees.[1] Baie pasiënte se ledemate kan ook gedurende slaap ruk.[3]

Oorsake en behandeling[wysig | wysig bron]

Risikofaktore vir RBS sluit in lae ystervlakke, nierversaking, Parkinson se siekte, diabetes, gewrigsrumatiek, swangerskap en seliaksiekte.[1][4][5] ’n Paar medisynes kan as sneller dien, soos antidepressante, antihistamiene, antipsigotiese middels en kalsiumantangoniste.[6]

Daar is twee hoofsoorte RBS.[1] Een is ’n vorm wat vroeg begin, voor die ouderdom van 45, kom in families voor en word algaande erger.[1] Die ander een begin laat in die lewe, ná 45, begin skielik en word nie erger nie.[1]

Diagnose geskied gewoonlik na aanleiding van ’n pasiënt se simptome nadat alle ander moontlike oorsake uitgeskakel is.[7]

Rustelosebenesindroom kan verbeter as die onderliggende probleem behandel word.[8] Andersins kan medisyne gebruik of leefstylveranderings aangebring word.[1] Laasgenoemde sluit in die staking van alkohol- en tabakgebruik en slaaphigiëne.[8] Meer vroue as mans kry RBS en die voorkoms neem toe met ouderdom.[9][10]

Verwysings[wysig | wysig bron]

  1. 1,00 1,01 1,02 1,03 1,04 1,05 1,06 1,07 1,08 1,09 1,10 "What Is Restless Legs Syndrome?". NHLBI. 1 November 2010. Geargiveer vanaf die oorspronklike op 21 Augustus 2016. Besoek op 19 August 2016.
  2. "Restless Legs Syndrome Information Page | National Institute of Neurological Disorders and Stroke". Ninds.nih.gov. Besoek op 7 Julie 2019.
  3. "What Are the Signs and Symptoms of Restless Legs Syndrome?". NHLBI. 1 November 2010. Geargiveer vanaf die oorspronklike op 27 Augustus 2016. Besoek op 19 August 2016.
  4. Ramar, K; Olson, EJ (15 Augustus 2013). "Management of common sleep disorders". American Family Physician. 88 (4): 231–8. PMID 23944726.
  5. Zis P, Hadjivassiliou M (2019). "Treatment of Neurological Manifestations of Gluten Sensitivity and Coeliac Disease". Curr Treat Options Neurol (Review). 21 (3): 10. doi:10.1007/s11940-019-0552-7. PMID 30806821.
  6. "What Causes Restless Legs Syndrome?". NHLBI. November 1, 2010. Geargiveer vanaf die oorspronklike op 20 Augustus 2016. Besoek op 19 August 2016.
  7. "How Is Restless Legs Syndrome Diagnosed?". NHLBI. 1 November 2010. Geargiveer vanaf die oorspronklike op 27 Augustus 2016. Besoek op 19 Augustus 2016.
  8. 8,0 8,1 "How Is Restless Legs Syndrome Treated?". NHLBI. 1 November 2010. Geargiveer vanaf die oorspronklike op 27 Augustus 2016. Besoek op 19 Augustus 2016.
  9. "Who Is at Risk for Restless Legs Syndrome?". NHLBI. 1 November 2010. Geargiveer vanaf die oorspronklike op 26 Augustus 2016. Besoek op 19 Augustus 2016.
  10. "Restless Legs Syndrome Fact Sheet | National Institute of Neurological Disorders and Stroke". Ninds.nih.gov. Besoek op 7 Julie 2019.

Skakels[wysig | wysig bron]