SE Palmeiras
| Palmeiras | |||||||||||||||||||||||||||||||||
 | |||||||||||||||||||||||||||||||||
| Volle naam | Sociedade Esportiva Palmeiras | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Bynaam/me | Verdão (Die Groot Groen Een) Alviverde (Groen en Wit) Periquito (Die Parkiet) | ||||||||||||||||||||||||||||||||
| Stigting | 26 Augustus 1914, as Palestra Itália | ||||||||||||||||||||||||||||||||
| Tuisveld | Allianz Parque, São Paulo | ||||||||||||||||||||||||||||||||
| Kapasiteit | 43 713 | ||||||||||||||||||||||||||||||||
| Voorsitter |  Leila Pereira | ||||||||||||||||||||||||||||||||
| Afrigter | Abel Ferreira | ||||||||||||||||||||||||||||||||
| Liga | Campeonato Brasileiro Série A Campeonato Paulista | ||||||||||||||||||||||||||||||||
| |||||||||||||||||||||||||||||||||
Sociedade Esportiva Palmeiras, algemeen bekend as Palmeiras, is ’n Brasiliaanse professionele sokkerklub wat in die stad São Paulo, in die distrik Perdizes, gevestig is. Palmeiras is een van die gewildste klubs in Suid-Amerika, met ongeveer 21 miljoen ondersteuners en 198 656 geregistreerde lede.[1] Die sokkerspan neem deel aan die Campeonato Paulista, die voorste staatsliga van São Paulo, asook die Brasileirão Série A, die hoogste vlak van die Brasiliaanse sokkerliga-stelsel.
Die Sociedade Esportiva Palmeiras is op 26 Augustus 1914 deur Italiaanse immigrante gestig as “Palestra Itália”. Die klub het egter op 14 September 1942 sy naam verander nadat Brasilië aan die Geallieerdes tydens die Tweede Wêreldoorlog deelgeneem het en teen Italië (“Itália” in Portugees) en die Spilmoondhede was. Sedertdien het Palmeiras 18 nasionale kampioenskappe in die hoogste liga gewen, insluitend ’n rekord van 12 Campeonato Brasileiro Série A-titels, 4 Copas do Brasil, 1 Copa dos Campeões en 1 Supercopa do Brasil, wat hulle die suksesvolste klub in Brasiliaanse binnelandse kompetisies maak.[2]
Internasionaal het die Verdão (die Groot Groen Een) die eerste internasionale toernooi, die Copa Rio in 1951, gewen, asook die Copa Libertadores in 1999, 2020 en 2021, die Recopa Sudamericana in 2022, en die Copa Mercosul in 1998.[3] Op streeksvlak het hulle ook sukses behaal deur 5 Interstate-titels (Torneio Rio – São Paulo) en 26 staatskampioenskappe (Campeonato Paulista) te verower.[4]
Palmeiras beklee tans die tweede plek op die CBF-ranglys en die eerste plek op die CONMEBOL-ranglys, en was die eerste Brasiliaanse klub om die IFFHS Manlike Klub-Wêreldranglys in 2021 te wen.
By al vyf FIFA Wêreldbekertoernooie en die twee Olimpiese goue medaljes wat Brasilië gewen het, was daar minstens een Palmeiras-speler in elke span — ’n eer wat hulle deel met hul stadsrivalen São Paulo.[5][6]
Verwysings
[wysig | wysig bron]- ↑ "Avanti - Palmeiras". Geargiveer vanaf die oorspronklike op 28 Junie 2022. Besoek op 29 Junie 2022.
- ↑ "ESPN - Tudo pelo esporte". Geargiveer vanaf die oorspronklike op 8 Augustus 2018. Besoek op 8 Augustus 2018.
- ↑ "Fifa parabeniza Palmeiras por ser '1º campeão intercontinental de clubes' - Futebol". UOL Esporte (in Portugees). Geargiveer vanaf die oorspronklike op 13 Junie 2018. Besoek op 27 Maart 2018.
- ↑ "Títulos – Palmeiras". Geargiveer vanaf die oorspronklike op 15 Desember 2018. Besoek op 6 Februarie 2016.
- ↑ "Brasil nunca ganhou uma Copa sem jogadores de São Paulo e Palmeiras no elenco". Fera (in Portugees). Geargiveer vanaf die oorspronklike op 9 Oktober 2022. Besoek op 9 Oktober 2022.
- ↑ "Com ouro nas Olimpíadas, Palmeiras mantém tradição vencedora na seleção brasileira". R7 (in Portugees). 8 Augustus 2021. Besoek op 8 Januarie 2024.
Eksterne skakels
[wysig | wysig bron]| Internasionaal | |
|---|---|
| Nasionaal | |
