SK Krasnodar

SK Krasnodar
Volle naam	Футбольный клуб Краснодар (Sokkerklub Krasnodar)
Stigting	2008
Tuisveld	Krasnodar Stadion, Krasnodar
Kapasiteit	35 179
Voorsitter	Sergei Galitsky
Afrigter	Moerad Moesajef
Liga	Russiese Premierliga
Tuiskleure 　 Wegkleure

SK Krasnodar (Russies: Футбольный клуб Краснодар, geromaniseer: Futbolny klub Krasnodar) is ’n Russiese professionele sokkerklub gebaseer in Krasnodar wat in die Russiese Premierliga speel.

Die klub is in 2008 gestig. In 2009 is die klub bevorder na die Russiese Eerste Divisie, die tweede hoogste afdeling van die Russiese sokkerliga-stelsel, ten spyte daarvan dat hulle derde geëindig het in die Suidelike Sone van die Tweede Divisie. Aan die einde van die 2010-seisoen is hulle bevorder na die Russiese Premierliga vir die 2011-seisoen, ondanks ’n vyfde plek in die Eerste Divisie.

In 2013 het SK Krasnodar begin met die bou van die Krasnodar Stadion met 35,074 sitplekke, wat op 9 Oktober 2016 geopen is. Tot die stadion voltooi was, het SK Krasnodar voortgegaan om hul tuiswedstryde in die Kuban Stadion te speel.

Onder leiding van Moerad Moesajef het die span groot vordering gemaak, en in Mei 2025 het die span sy historiese eerste ligatitel gewen. Die span gaan egter nie deelneem aan die UEFA Champions League in die nabye toekoms nie weens sanksies wat verband hou met die Russiese inval in Oekraïne. Die span het vroeër een keer vir die groepfase van die Champions League gekwalifiseer (2020) en vyf keer vir die groepfase van die UEFA Europa League (2014, 2015, 2016, 2018 en 2019).

Die span het ook die Russiese beker twee keer gewen (2013–14 en 2022–23).