SS Nomadic (1911)

in Wikipedia, die vrye ensiklopedie
Spring na: navigasie, soek
SS Nomadic in 1911
SS Nomadic tydens haar restourasie in Maart 2012 in 'n droogdok in Belfast-hawe

SS Nomadic is 'n stoomskip van die Britse redery White Star Line wat op 25 April 1911 in Belfast te water gelaat is. Die skip is oorspronklik as 'n tenderboot vir die RMS Olympic en die RMS Titanic gebou wat eerste- en tweedeklas-passasiers vanaf die vertrekpunt in Cherbourg se seehawe na die groot oseaanskepe geneem het wat buite die hawe voor anker gelê het.

Later het die SS Nomadic ook befaamde Britse plesierbote soos Queen Mary en Queen Elizabeth bedien en bekende persoonlikhede soos Elizabeth Taylor, Richard Burton en Charlie Chaplin vervoer.

Na Nomadic, die enigste skip van White Star Line wat tot vandag toe bewaar gebly het, word dikwels verwys as "Titanic se klein suster". Die skip het tydens die twee wêreldoorloë troepe vervoer en later in Parys as vermaaklikheidsboot gedien.

Ná 'n omvattende restourasie is die SS Nomadic, wat sy laaste vaste ankerplek in Belfast se Hamilton-dok gevind het, as museumskip toeganklik vir die publiek. Toegang tot SS Nomadic maak deel uit van die Titanic Belfast-program.

Eksterne skakels[wysig | wysig bron]