Sadiola

in Wikipedia, die vrye ensiklopedie
Jump to navigation Jump to search
Sadiola
Sadiola.jpg
Ligging van Sadiola in Mali.
Ligging van Sadiola in Mali.
Koördinate: 13°53′20″N 11°42′10″W / 13.88889°N 11.70278°W / 13.88889; -11.70278Koördinate: 13°53′20″N 11°42′10″W / 13.88889°N 11.70278°W / 13.88889; -11.70278
Land Vlag van Mali Mali
Oppervlak
 - Dorp 5 010 km²  (1 934,4 vk m)
Bevolking (2009)
 - Dorp 39 305
 - Digtheid 7,8/km² (20,2/myl2)

Sadiola is 'n kommune en klein dorpie, ongeveer 70 km suid van Kayes in die westelike gedeelte van Mali, in Wes-Afrika. Twee groot oopgroefgoudmyne is hier geleë, die Sadiola Hill-goudmyn en die Yatela-goudmyn. Volgens die 2009-sensus woon 39 305 mense hier.

Natuur en Omgewing[wysig | wysig bron]

Die natuur in hierdie omgewing het 'n monsoontipe klimaat. Vanaf ongeveer Mei tot Augustus is die jaarlikse reënseisoen, waartydens die reënval tot 1500 mm oor 'n tydperk van drie tot vier maande kan wees, met temperature wat rondom die middel dertigs wissel, met 100% humiditeit. Vanaf ongeveer September tot middel Januarie is die "koeler" seisoen (geen reënval nie), met gematigde temperature wat wissel van 15° tot 30 °C. Vanaf Januarie tot April begin die warm seisoen, met temperature wat wissel vanaf 40° tot 50 °C, ook met geen reënval nie. Dus duur die droë seisoen vir 'n tydperk van 8 tot 9 maande per jaar.

Bekende landmerke in die omgewing is die eskarp, die Senegalrivier, en die Gouina-waterval in die Senegalrivier.

Geskiedenis[wysig | wysig bron]

Die dorpie was een van 'n klomp klein inheemse dorpies in die streek, maar word onderskei van die res deurdat dit in bo-op 'n goudertsafsetting geleë is. Primitiewe vorms van mynbou het in hierdie area voorgekom, wat moontlik die ontstaan van Sadiola beteken het. Die huidige twee groot oopgroefmyne in die omgewing word deur AngloGold Ashanti bestuur, maar gesamentlik besit deur AngloGold Ashanti, Iamgold en die Maliese regering.

Sadiola was vroeër bo-op 'n koppie (Sadiola Hill) geleë, wat bo-op die hoofgoudafsetting gelê het. Toe mynbou daar begin het, is die dorpie 'n paar kilometer verder hervestig, om grootskaalse gemeganiseerde mynbou moontlik te maak. Met die aanvang van moderne mynbou het mense van ver af begin instroom, en 'n ontploffing in die bevolkingsgetal veroorsaak.

Taal[wysig | wysig bron]

Die tale wat hier gepraat word is hoofsaaklik Bambara, Malinque, en Frans. Alhoewel Frans die amptelike landstaal is, is dit egter die meeste inwoners se twee of derde taal.