Salers

in Wikipedia, die vrye ensiklopedie
Spring na: navigasie, soek
'n Salers-bees

Die Salers is 'n beesras, wat sy oorsprong in die département Cantal in die Franse Sentraalmassief het.

Die Salers is taamlik groot beeste, met 'n volwasse gewig van koeie tussen 700 en 750 kilogram en 'n hoogte van 1,40 meter. Die Salers word deur lang gekrulde bruin hare gekenmerk. Sy helder horings is lang en dun.

'n Salers-kudde op die weiveld

Die veeteler Ernest Tyssandier d'Escous begin die genetiese potensiaal van die Salers in die 19de eeu deur middel van kruisteelt verbeter.

Alhoewel die Salers oorspronklik veral as trekbeeste geteel is, staan hierdie gemengde beesras lankal bekend vir sy gehardheid en sy geskiktheid vir 'n omgewing soos die Franse Sentraalmassief met sy groot temperatuurverskille. Die Salers is ook goed aangepas vir ekonomiese vleis- en melkproduksie (alhoewel die aanwesigheid van die kalf steeds noodsaaklik is vir die melking van 'n Salers-koei).

Die boere van Cantal laat hulle beeskuddes tydens die somer meesal in die hooggeleë gebiede wei. 'n Salers-melkkoei lewer tydens haar leeftyd byna 3 000 kilogram vetryke melk op, wat vir die plaaslike vervaardiging van twee kaassoorte van oorsprong, die Cantal en die Salers gebruik word. Deur middel van kruisteelt met die Charolais-beesras lewer die Salers ook kalwe op, wat as vleisbeeste dien.

Tans is daar sowat 300 000 Salers-beeste in Frankryk. Hulle is ook na meer as 25 lande in Europa, Noord-Amerika, Afrika en Oseanië uitgevoer. Onlangs is daar ook bestemmings soos Suid-Amerika en Asië (Sjina) bygevoeg.

Eksterne skakels[wysig]

Commons
Wikimedia Commons het meer media verwant aan:
Salers cattle (bladsy)