Saoedi-Arabië

in Wikipedia, die vrye ensiklopedie
Spring na: navigasie, soek
المملكة العربية السعودية
Al-Mamlakah al-Arabiyah as-Sa'ūdiyah
Koninkryk van Saoedi-Arabië
Vlag van Saoedi-Arabië Embleem van Saoedi-Arabië
Vlag Embleem
Nasionale leuse: لا إله إلا الله، محمد رسول الله
Lā ʾilāha ʾillā l–lāh, Muḥammadun rasūlu l–lāh[1]
(Arabies vir: "Daar is geen god behalwe Allah; Mohammed is die boodskapper van Allah")
Volkslied: السلام الملكي
as-Salām al-Malakiyy
(Arabies vir: "Die koninklike saluut")
Ligging van Saoedi-Arabië
Hoofstad Riaad

24°39′N 46°46′O / 24.650°N 46.767°O / 24.650; 46.767

Grootste stad Riaad
Amptelike tale Arabies
Regering

Monarg
• Kroonprins
• Adjunk-Kroonprins
Unitêre Islamitiese absolute
diktatoriese monargie
Salman bin Abdoel Aziz
Moeqrin bin Abdoel Aziz
Mohammad bin Nayef
Onafhanklikheid
Stigting
• Koninkryk


23 September 1932[2]
Oppervlakte
 - Totaal
 
 - Water (%)
 
2 149 690 km2  (13de)
870 000 myl2
0,7
Bevolking
 - 2014-skatting
 - Digtheid
 
30 770 375[3] (41ste)
12,3 / km2 (216de)
31 / myl2
BBP (KKP)
 - Totaal
 - Per capita
2014-skatting

$1 652 miljard[4] (14de)
$53 935[4] (11de)

BBP (nominaal)
 - Totaal
 - Per capita
2014-skatting

$777,870 miljard[4] (19de)
$25 401[4] (31ste)

MOI (2013) 0,836[5] (34ste)  –  baie hoog
Geldeenheid Riyal (SR) (SAR)
Tydsone
 - Somertyd
AST (UTC+3)
nie toegepas nie (UTC+3)
Internet-TLD .sa, السعودية.
Skakelkode +966
Kaart wat Saoedi-Arabië vertoon

Saoedi-Arabië, amptelik die Koninkryk van Saoedi-Arabië (Arabies: المملكة العربية السعودية Al-Mamlakah al-Arabiyah as-Sa'ūdiyah), is 'n Arabiese land in die Midde-Ooste en Asië en die grootse op die Arabiese Skiereiland. Dit word in die noordweste begrens deur Jordanië, deur Irak in die noorde en noordooste, deur Koeweit, Katar, Bahrein, en die Verenigde Arabiese Emirate in die ooste, Oman in die suidooste, en Jemen in die suide. Die Persiese Golf lê tot die noordooste, die Rooisee tot die weste en die Indiese Oseaan tot die suidooste van die land. Saoedi-Arabië het 'n geraamde bevolking van 27,6 miljoen en die landsoppervlakte strek omtrent 2 150 000 vierkante kilometer. Die hoofstad en grootste stad is Riaad. Die koninkryk word soms na verwys as "Die Land van die Twee Heilige Moskeë", aangesien Mekka en Medina, die twee heiligste plekke van die Islam, in die land geleë is.

Saoedi-Arabië is die wêreld se voorste petroleumuitvoerder. Petroleumhandel dryf die Saoediese ekonomie. Olie verteenwoordig meer as 90% van uitvoere en bykans 75% van regeringsinkomste, wat die skepping van 'n welvaartstaat bemoontlik, wat die regering sukkel om te finansier in tye van lae oliepryse. Saoedi-Arabië word — tesame met Rusland — gereeld na verwys as 'n energiesupermag. Menseregtegroepe soos Amnestie Internasionaal en Human Rights Watch het al telkemale kommer uitgespreek oor die stand van menseregte in Saoedi-Arabië, alhoewel die Saoediese regering hierdie besware verwerp het.

Demografie[wysig | wysig bron]

Demografie van Saoedi-Arabië, FAO-data, (2005); Aantal inwoners (duisende).

Soos in Julie 2006 was die Saoedi-Arabiese bevolking op 27 019 731 geskat, wat 'n geraamde 5,5 miljoen immigrante insluit.[6] Tot en met die 1960's was die meerderheid van die bevolking nomadies, maar huidig is meer as 95% van die bevolking geset as 'n gevolg van vinnige ekonomiese groei en verstedeliking. Nog so onlangs soos die 1950's was die slawebevolking in Saoedi-Arabië geraam op 450 000 — omtrent 20% van die bevolking.[7][8] Slawerny is in 1962 amptelik afgeskaf. Die geboortesyfer beloop 29,56 geboortes per 1 000 mense, en die sterftesyfer is 2,62 sterftes per 1 000 mense. Sommige oases het bevolkingsdigthede van meer as 1 000 mense per vierkante kilometer.

Omtrent 23% van die bevolking bestaan uit vreemde burgers, alhoewel hierdie statistiek nie in staatssensusse gemeet word nie.[9] Ongeveer 12% van die bevolking is Suid-Asiers of van Suid-Asiatiese afkoms, insluitende Indiërs, Pakistani's, en Bangladesji's. Daar is ook sommige inwoners van Asiatiese, Noordoos-Afrikaanse, en Sub-Sahariese afkoms. Vele Arabiere uit nabye lande werk in die koninkryk. Daar is meer as agt miljoen trekarbeiders vanuit lande van regoor die wêreld:[10] Indiërs (1,4 miljoen), Bangladesji's (1 miljoen), Filipyne (950 000), Pakistani's (900 000), Egiptenare (900 000), Jemeniërs (80 000), Indonesiërs (500 000), Srilankane (350 000), Soedannese (250 000), Siriërs (100 000), en Turke (80 000).[11] Daar is om en by 100 000 Westerlinge in Saoedi-Arabië, waarvan die meeste in komplekse of sekuriteitskomplekse woon.

Religie[wysig | wysig bron]

Die Kaäba in Mekka

Die regsraamwerk van die land maak nie voorsiening vir die praktisering van vryheid van religie nie, en daarom is die openbare volging van nie-Islamitiese geloof verbode. Die regering pas 'n streng en konserwatiewe weergawe van Soennie Islam toe. Moslems wat nie die amptelike interpretasie van die religie volg nie, kan ernstige nagevolge in die gesig staar ter hande van Mutawwa'in, die land se religieuse polisie.

Om hierdie rede kom die Saoediese kultuur tekort aan die diversiteit van religieuse uitlewing, geboue, jaarlikse feeste en openbare gebeurtenisse wat in lande waar religieuse vryheid toegelaat word, waargeneem kan word.[10] Die aanhang van die Christendom in Saoedi-Arabië is 'n vervolgbare oortreding.

Emirate[wysig | wysig bron]

Saoedi-Arabië is in dertien emirate (manatiq, — enkelv. mintaqah) verdeel.[12] Die emirate is verder in tweedevlak-regerings verdeel.

Emiraat Hoofstad Kaart
Al Bahah Al Bahah Stad
Noordelike grens 'Ar'ar
Al Jawf Al Jawf Stad
Medina Medina Stad
Al-Qassim Boeraida
Ha'il Ha'il Stad
'Asir Abha
Oostelike Provinsie Ad Dammam
Riaad Riaad Stad
Tabuk Tabuk Stad
Najran Najran Stad
Mekka Mekka Stad
Jizan Jizan Stad

Verwysings[wysig | wysig bron]

  1. (en) "About Saudi Arabia: Facts and figures". The royal embassy of Saudi Arabia, Washington, D.C., VSA. Verkry op 25 Januarie 2015. 
  2. (en) "Saudi Arabia the country in Brief". www.saudia-online.com. Verkry op 25 Januarie 2015. 
  3. (en) "Official annual projection" (PDF). 2014. Verkry op 25 Januarie 2015. 
  4. 4,0 4,1 4,2 4,3 (en) "Saoedi-Arabië". Internasionale Monetêre Fonds. Verkry op 25 Januarie 2015. 
  5. (en) "2014 Human Development Report Summary" (PDF). United Nations Development Programme. 2014. pp. 21–25. Verkry op 25 Januarie 2015. 
  6. http://www.state.gov/r/pa/ei/bgn/3584.htm
  7. Slavery in Islam
  8. £400 for a Slave
  9. Saudi Arabia
  10. 10,0 10,1 Saudi Arabia: International Religious Freedom Report 2008
  11. Arab versus Asian migrant workers in the GCC countries
  12. (en) "Saudi Arabia: Administrative divisions". arab.net. Verkry op 2008-09-21. 


 
Lande en gebiede in Asië

Lande: Afghanistan | Armenië2 | Azerbeidjan1 | Bahrein | Bangladesj | Bhoetan | Broenei | Egipte | Filippyne | Georgië1 | Indië | Indonesië | Irak | Iran | Israel | Japan | Jemen | Jordanië | Kambodja | Kasakstan1 | Katar | Kirgisië | Koeweit | Laos | Libanon | Maledive | Maleisië | Mianmar | Mongolië | Nepal | Noord-Korea | Oesbekistan | Oman | Oos-Timor | Pakistan | Rusland1 | Saoedi-Arabië | Singapoer | Siprus2 | Sirië | Volksrepubliek China | Sri Lanka | Suid-Korea | Tadjikistan | Thailand | Turkmenistan | Turkye1 | Verenigde Arabiese Emirate | Viëtnam

Omstrede gebiede: Abchasië - Nagorno-Karabach - Noord-Siprus - Palestina - Republiek China (Taiwan) - Suid-Ossetië

Afhanklike gebiede: Australië: Kerseiland - Kokoseilande | Verenigde Koninkryk: Akrotiri en Dhekelië2 - Britse Indiese Oseaangebied | Volksrepubliek China: Hongkong - Macau

1. Land deels in Europa. 2. Geografies in Asië, maar gereeld beskou as deel van Europa a.g.v. kulturele en historiese oorwegings.

Lande van: Afrika - Europa - Noord-Amerika - Oseanië - Suid-Amerika
Karibiese gebied - Midde-Ooste - Sentraal-Amerika