Gaan na inhoud

Sarina Wiegman

in Wikipedia, die vrye ensiklopedie
Sarina Wiegman

Wiegman in 2022
Persoonlike inligting
Geboortedatum26 Oktober 1969 (1969-10-26) (56 jaar oud)
GeboorteplekDen Haag, Zuid-Holland, Nederland
SpeelposisieSentrale middelvelder, verdediger
Klubinligting
Huidige klubEngeland (hoofafrigter)
Jeugloopbaan
GSC ESDO
HSV Celeritas
1987–1988KFC '71
Seniorloopbaan*
JareSpanKere†(Doele)†
1994–2003Ter Leede
Nasionale span
1987–2001Nederland99[1](3)
Spanne bestuur
2006–2007Ter Leede
2007–2014ADO Den Haag
2015Nederland (tussentyds)
2016–2021Nederland
2021–Engeland
* Kere vir seniorklub uitgedraf en doele is net vir die plaaslike liga..
† Kere uitgedraf (Doele).

Sarina Petronella Wiegman (gebore 26 Oktober 1969), is 'n Nederlandse sokkerafrigter en voormalige speler wat sedert September 2021 die afrigter is van die Engelse vrouesokkerspan. Sy is die eerste afrigter van óf 'n mans- óf vrouespan wat vyf opeenvolgende groot internasionale toernooie se eindstryde bereik het.[2][3][4][5][6]

In haar speelloopbaan het Wiegman as sentrale middelvelder begin voordat sy na die verdediging geskuif het.[7][8][9] In 1989 het sy die Universiteit van Noord-Carolina te Chapel Hill bygewoon, waar sy vir die North Carolina Tar Heels se vrouesokkerspan gespeel het. Ná haar terugkeer na Nederland het sy aangesluit by die vrouespan van Ter Leede, terwyl sy terselfdertyd as 'n liggaamlike opvoedingsonderwyser gewerk het. Met Ter Leede het sy een keer die Nederlandse kampioenskap sowel as die KNVB-beker gewen.

Wiegman het Nederland van 1987 tot 2001 verteenwoordig. Alhoewel sy 104 keer vir haar land gespeel het (aanvanklik erken deur die KNVB), is wedstryde teen nie-FIFA-geaffilieerde teenstanders nie amptelik getel nie, wat haar amptelike aantal wedstryde op 99 laat staan het.[10][11]

Na haar aftrede in 2003 het Wiegman haar afrigtingsloopbaan begin by die vrouespanne van Ter Leede en ADO Den Haag. In 2014 het sy assistent-nasionale afrigter van die Nederlandse vrouespan geword. In 2016 het sy haar volle afrigtingslisensie ontvang en was sy die eerste vrou om as afrigter by 'n Nederlandse professionele sokkerspan te werk. Nadat sy as hoofafrigter van die Nederlandse nasionale span aangestel is, het sy hulle gelei tot oorwinning by die UEFA Vroue-Europese Kampioenskap in 2017. Twee jaar later het die span tweede geëindig by die 2019 FIFA Vroue-Wêreldbeker.

In Augustus 2020 is aangekondig dat Wiegman vanaf September 2021 die Engelse vrouesokkerspan sou afrig, ná die afloop van Phil Neville se kontrak. Sy het aan die stuur van Nederland gebly vir die Olimpiese Spele in 2020, in die hoop om 'n medalje huis toe te bring, maar Nederland is in die kwarteindrondte uitgeskakel. Sy het toe afrigter van Engeland geword en die Lionesses gelei tot oorwinning by die UEFA Vroue-Europese Kampioenskap in 2022 op eie bodem. Dit was die eerste trofee vir ’n Engelse senior span van enige geslag sedert die manspan die 1966 FIFA Wêreldbeker gewen het.[12] Wiegman het ’n derde opeenvolgende Europese titel gewen toe sy Engeland tot oorwinning gelei het in die UEFA Vroue-Europese Kampioenskap in 2025.

Verwysings

[wysig | wysig bron]
  1. ↑ "Sarina Glotzbach-Wiegman". Royal Dutch Football Association. Geargiveer vanaf die oorspronklike op 10 Junie 2021. Besoek op 19 April 2023.
  2. ↑ "Assistent-bondscoach Sarina Wiegman" (in Nederlands). ekvrouwen.nl. Besoek op 1 Junie 2016.[dooie skakel]
  3. ↑ El Ouni, Raoul (1 Maart 2016). "Sarina Wiegman: "Wij gaan ons plaatsen voor de Olympische Spelen"" (in Nederlands). AmsterdamFM. Geargiveer vanaf die oorspronklike op 27 Februarie 2020. Besoek op 1 Junie 2016.
  4. ↑ "Wissink en Wiegman bondsridder" (in Nederlands). OnsOranje. 5 April 2012. Geargiveer vanaf die oorspronklike op 24 Junie 2016. Besoek op 1 Junie 2016.
  5. ↑ "Wiegman bondscoach Oranje-vrouwen, De Haan assistent" (in Nederlands). Voetbal International. 13 Januarie 2017. Geargiveer vanaf die oorspronklike op 3 Maart 2021. Besoek op 13 Januarie 2017.
  6. ↑ "Record voor toernooicoach Wiegman met vijf finales op rij: 'Dat is wel bizar'". NOS (in Nederlands). 23 Julie 2025. Besoek op 28 Julie 2025.
  7. ↑ "De barrières zijn bijna geslecht" (in Nederlands). NRC.nl. 17 November 2001. Geargiveer vanaf die oorspronklike op 19 September 2016. Besoek op 1 Junie 2016.
  8. ↑ Vissers, Willem (12 April 2001). "Komst meneer Van Gaal vereert Wiegman" (in Nederlands). de Volkskrant. Geargiveer vanaf die oorspronklike op 13 Julie 2020. Besoek op 1 Junie 2016.
  9. ↑ Goff, Steven (19 September 1989). "NORTH CAROLINA SOCCER DOES A NUMBER ON OPPOSITION". The Washington Post. Geargiveer vanaf die oorspronklike op 10 Julie 2020. Besoek op 1 Junie 2016.
  10. ↑ Buddenberg, Fred (6 Junie 2015). "Voetbalsters debuteren op WK, dat ontgaat Nederland niet" (PDF) (in Nederlands). Trouw. Geargiveer vanaf die oorspronklike (PDF) op 10 Junie 2016. Besoek op 1 Junie 2016.
  11. ↑ "Recordinternational zonder miljoenen" (in Nederlands). Trouw. 11 April 2001. Geargiveer vanaf die oorspronklike op 5 Junie 2016. Besoek op 1 Junie 2016.
  12. ↑ Wrack, Suzanne (31 Julie 2022). "England crowned Euro 2022 champions after Kelly sinks Germany in extra-time". The Guardian (in Engels). Geargiveer vanaf die oorspronklike op 31 Julie 2022. Besoek op 31 Julie 2022.
Ontsluit van "https://af.wikipedia.org/w/index.php?title=Sarina_Wiegman&oldid=2826013"