Sarmiento

in Wikipedia, die vrye ensiklopedie
Sarmiento
Stad
Sarmiento is in Argentinië
Sarmiento
Sarmiento
Koördinate: 45°35′0″S 69°05′0″W / 45.58333°S 69.08333°W / -45.58333; -69.08333Koördinate: 45°35′0″S 69°05′0″W / 45.58333°S 69.08333°W / -45.58333; -69.08333
LandVlag van Argentinië Argentinië
ProvinsieChubut
Stigting21 Junie 1897
Regering
 • BurgemeesterSebastián Balochi
Hoogte
258 m (846 ft)
Bevolking
 • Totaal8 028
TydsoneUTC-3 (ART)
Poskode
9020
Skakelkodes0297
Webwerfcoloniasarmiento.gov.ar

Sarmiento is 'n dorp in die Chubut provinsie van Argentinië. Daar bly sowat 8 000 inwoners volgens die 2001 volkstelling en is die hoofdorp van die gelyknamige departement. Dit is geleë in die sogenaamde Sentrale Straat van Patagonië, binne 'n vrugbare vallei in die middel van 'n andersins dorre gebied, 140 km wes van Comodoro Rivadavia, in die suide van Chubut. Dit lê tussen twee mere die Mustersmeer en die Colhue Huapi-meer. Aantreklikhede sluit die versteende woud en grottekeninge in.

Geskiedenis[wysig | wysig bron]

Sarmiento is gestig deur nedersetting van immigrante, hoofsaaklik uit Wallis. In die vroeë 1900's het daar ook 'n immigrasiegolf Litauers aangekom.

In 1903 het 600 Afrikaner-gesinne in Argentinië na afloop van die Tweede Vryheidsoorlog aangekom. Hulle het hul in hierdie gebied gevestig omrede dit, anders as die kusstad Comodoro Rivadavia waar hul eers was, voorsiening van water gebied het. Die afstammelinge van hierdie koloniste het 'n groot deel van Sarmiento beslaan, praat steeds Afrikaans en behoort tot vandag toe aan die Nederduitse Gereformeerde Kerk. So onlangs soos die 1960's is Afrikaans nog algemeen gepraat, maar dit het vandag verander soos die Afrikaanse bevolking by die Argentynse kultuur en gemeenskap begin aanpas het.