Saskia de Coster
Saskia de Coster | |
|---|---|
 Saskia de Coster, September 2006 | |
| Gebore | 1976 |
| Nasionaliteit | Belgies |
| Beroep | Skryfster |
| Webwerf | www |
Saskia de Coster (gebore in 1976) is 'n Vlaamse skryfster. Haar werk is reeds in verskeie letterkundige tydskrifte gepubliseer. Sy skryf ook draaiboeke en romans. De Coster is ook genoem as een van die ontluikende skrywers van die Vlaamse skrywerstoneel.[1] Sy het met ingang April 2013 ses boeke gepubliseer.[2]
Bibliografie[wysig | wysig bron]
De Coster is in 1976 gebore. Sy het reeds begin skryf toe sy twee jaar oud was.[3] Toe sy elf jaar oud was het sy 'n nasionale kompetisie gewen en het sy die titel "Junior Joernalis" verwerf.[4]
De Coster het tussen 1994 en 1998 Germaanse tale aan die Katolieke Universiteit van Leuven studeer en in 1998 'n meestersgraad in letterkunde aan dieselfde universiteit behaal.[5]
Werk[wysig | wysig bron]
De Coster debuteer in 2000 met haar eerste boek getiteld Onder mekaar, 'n bundel donker verhale oor die verbrokkeling van 'n ongewone gesin. Onder mekaar verskyn in die Nieuw Wereldtijdschrift (NWT).
In 2002 het sy op 26-jarige ouderdom haar debuutroman, Vrije Val gepubliseer. [3] Benewens romans skryf sy ook rubrieke (onder meer vir die Vlaamse koerant De Morgen). Sy is deel van die redaksie van Dietsche Warande en Belfort, 'n literêre tydskrif.[6] Aan die einde van 2009 het sy vir Aaf Brandt Corstius as daaglikse rubriekskrywer vir die koerant nrc.next vervang.[7]
De Coster is ook 'n visuele kunstenaar. [6] Sy werk met videokuns, skryf vir teater en skryf ook lirieke vir musikante soos Daan Stuyven en Dez Mona. [4] Sy werk gereeld saam met visuele kunstenaars soos die videokunstenaar Nicolas Rombouts, Eric Joris van CREW, en die kunstenaar Arne Quinze.
Ander interessanthede[wysig | wysig bron]
- De Coster het die omslag van haar sesde roman, "Wij en ik", self ontwerp
- Sy het "Project 397" begin. Sedert haar sesde roman, "Wij en ik", wat 397 bladsye beslaan, het sy haar voorgeneem om eke dag slegs een bladsy daarvan te lees by 'n verskillende ligging as die vorige een. Hierdie videogrepe word aanlyn geplaas op haar YouTube kanaal.[8]
Publikasies[wysig | wysig bron]
- Vrije Val ISBN 978-90-446-1051-2 (2002) Bert Bakker
- Jeuk ISBN 978-90-446-1052-9 (2004) Bert Baker
- Eeuwige roem ISBN 978-90-446-0834-2 (2006) Uitgeverij Prometheus
- Held ISBN 978-90-446-1085-7 (2007) Uitgeverij Prometheus
- Dit is van Mij ISBN 978-90-446-1425-1 (2009) Uitgeverij Prometheus
- Wij en ik (Afrikaanse vrye vertaling: Ons en ek) ISBN 978-90-446-2346-8(2013) Uitgeverij Prometheus
Erkenning[wysig | wysig bron]
- Die tydskrif HUMO het haar gelys as een van die toptienskrywers onder 35[9]
- Sy is gekies as een van die tien beste skrywers onder 35 deur die tydskrif De Groene Amsterdammer
- Haar roman, Held, is genomineer vir die BNG Nuwe Literatuur-prys en het die 2007 Cutting Edge-prys vir die beste romanse gewen
- Dit is van mij was op die langlys geplaas vir die AKO Literatuurprijs en die Gouden Uil-prys
Sien ook[wysig | wysig bron]
Verwysings[wysig | wysig bron]
- ↑ "Authors" (in Nederlands). Prometheus Publishers. Prometheus Publishers. Besoek op 19 Januarie 2011.
- ↑ "Boeken". Prometheus Uitgewers. Geargiveer vanaf die oorspronklike (in Nederlands) op 27 April 2013.
- ↑ 3,0 3,1 "'Pulling a Crocodile by the Tongue' deur Saskia de Coster [oor die skrywersafdeling]". Radio Nederland Wereldomroep. Radio Nederland Wereldomroep. 18 Januarie 2010. Besoek op 19 Januarie 2011.
- ↑ 4,0 4,1 "'Broodje Brussel': Saskia de Coster". Encounters. deBuren. 5 Mei 2008. Besoek op 19 Januarie 2011.
- ↑ De Snijder, Lieselotte; Bert Govaerts; Tineke Janssen (Jaargang 19 (2006)/Volume 19 (2006)). "Naar overzicht "Schrijven is een ziekte"/Overview: "Writing is a disease"" (in Nederlands). Mededelingenblad van de Leuvense Germanisten/Official Gazette of the Leuven Germanist. CampusKrant Katholieke Universiteit Leuven. Besoek op 19 Januarie 2011.
{{cite web}}: Gaan datum na in:|date=(hulp) - ↑ 6,0 6,1 "Authors: Saskia de Coster". Radio Books. Radio Books. Besoek op 19 Januarie 2011.
- ↑ "Saskia de Coster". Winternachten Festival. Writers Unlimited. 16 Januarie 2011. Geargiveer vanaf die oorspronklike op 24 Julie 2011. Besoek op 19 Januarie 2011.
- ↑ "Project 397". @saskiadecoster.[dooie skakel]
- ↑ Verbeylen, Wouter. "Literatuurwetenschapper en schrijfster Saskia de Coster / Literature scholar and writer Saskia de Coster". Life after Leuven. CampusKrant Katholieke Universiteit Leuven. Geargiveer vanaf die oorspronklike (in Nederlands) op 17 Julie 2011. Besoek op 19 Januarie 2001.
Eksterne skakels[wysig | wysig bron]
- Amptelike webwerf (nl)
- Saskia De Coster se YouTube kanaal Geargiveer 21 Mei 2016 op Wayback Machine
- "De Coster schreef vals opiniestuk" in De Standaard (nl)
