Satsuma

Satsuma
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Klade:	Rosids
Orde:	Sapindales
Familie:	Rutaceae
Genus:	Citrus
Spesie:	C. unshiu
Binomiale naam
	Citrus unshiu; (Yu.Tanaka ex Swingle) Marcow.

Satsuma (Citrus reticulata 'Satsuma'; sinoniem Citrus unshiu 'Satsuma') is die naam vir 'n groep van nouverwante mandarynvariëteite, wat in Japan ontstaan het, moontlik so vroeg as 1429. Die vrugte is die eerste keer in 1876 "satsuma" genoem deur die vrou van 'n ambassadebeampte van die Amerikaanse ambassade in Japan, na die Satsuma-provinsie in Kioesjoe. Voorheen was die vrugte slegs as mikan bekend.

Identifikasie en benaming

Satsumas is 'n relatief plat mandaryne met min of geen pitte. Die skil is ligoranje en is maklik om te verwyder. Die vlees het 'n vars en soet smaak, maar kan steeds 'n bietjie suur wees aan die begin van die voorsieningsperiode.

Daar is verskeie variëteite, waarvan die Satsuma Owari en die Satsuma Wase die bekendste is. Die meeste ingemaakte mandaryne is satsumas. Anders as die klementyn, word hierdie vrug soms verkeerdelik onder die algemene naam mandaryn bemark.

Die Afrikaanse naam "nartjie" word ook in Suid-Afrikaanse Engels gebruik. Dit kom oorspronklik van die Tamil-woord "nartei", wat sitrus beteken.^[1]

Citrus unshiu is vernoem na Unshu (Wenzhou), 'n bekende produksiegebied van sitrusspesies in China, in die laat Edo-periode van Japan. Voordat die naam unshu mikan in Japan gevestig was, is dit nakajima mikain of nagashima mikan genoem na die pleknaam Nishi-Nakajima in die Amakusa-distrik van die Higo-provinsie (later Nagashima, Kagoshima), waar die spesie glo ontstaan het,^[2]^[3] asook die Ehime-prefektuur^[4]

Voorkomsgebied

Die vrugte word onder andere in Italië en Spanje gekweek. Dit word tussen Oktober en Januarie geoes, wat dit een van die seisoen se vroegste mandaryne maak. Deesdae vind verbouing ook plaas in Suid-Afrika, Nieu-Seeland, Argentinië en Chili (lande in die Suidelike Halfrond), wat hierdie mandaryn toenemend die hele jaar deur beskikbaar maak.

Galery

'n Satsuma-boord
'n Boom in Shizuoka-prefektuur, Japan.
Satsumas
Satsumas uit Chili

Verwysings

↑ Branford, Jean (1978). A dictionary of South African English. Oxford University Press.
↑ Misaki, Akira (November 1999). "紀州有田みかんの起源と発達史" [The Origin and the development process of "Kisyu Arida Mikan (Arida Mandarin)"]. 経済理論 [The Wakayama Economic Review] (in Japannees). 292. University of Wakayama: 97–118. Geargiveer vanaf die oorspronklike op 1 Julie 2002.
↑ 特集1 みかん(1) (in Japannees). The Japannese Ministerie van Landbou, Bosbou en Visserye. Geargiveer vanaf die oorspronklike op 17 Maart 2023. Besoek op 23 Mei 2023.
↑ みかんの歴史 (PDF) (in Japannees). Ehime Prefecture. p. 6. Geargiveer vanaf die oorspronklike (PDF) op 1 Februarie 2023. Besoek op 23 Mei 2023.

Eksterne skakels

[1] Branford, Jean (1978). A dictionary of South African English. Oxford University Press.

[Misaki-2] Misaki, Akira (November 1999). "紀州有田みかんの起源と発達史" [The Origin and the development process of "Kisyu Arida Mikan (Arida Mandarin)"]. 経済理論 [The Wakayama Economic Review] (in Japannees). 292. University of Wakayama: 97–118. Geargiveer vanaf die oorspronklike op 1 Julie 2002.

[maff-3] 特集1 みかん(1) (in Japannees). The Japannese Ministerie van Landbou, Bosbou en Visserye. Geargiveer vanaf die oorspronklike op 17 Maart 2023. Besoek op 23 Mei 2023.

[ehime-4] みかんの歴史 (PDF) (in Japannees). Ehime Prefecture. p. 6. Geargiveer vanaf die oorspronklike (PDF) op 1 Februarie 2023. Besoek op 23 Mei 2023.

[1]

[2]

[3]

[4]