Gaan na inhoud

Schitt's Creek

in Wikipedia, die vrye ensiklopedie
Schitt's Creek
Genre
  • Sitkom
  • Satire
  • Komedierama
Geskep deur
Met
Oorsprong Kanada
Taal Engels
Aantal seisoene 8
Aantal episodes 80
Uitvoerende vervaardiger(s)
  • Eugene Levy
  • Daniel Levy
  • Fred Levy
  • Andrew Barnsley
  • Ben Feigin
  • Kevin White
  • David West Read
Vervaardiger(s)
  • Colin Brunton
  • Kosta Orfanidis
Venue(s) Ontario, Kanada
Produksiemaatskappy
  • Not a Real Company Productions
  • Canadian Broadcasting Corporation
  • Pop Media Group
Uitsending
Oorspronklike kanaal CBC Television
Oorspronklike lopie 13 Januarie 2015 (2015-01-13)

Schitt's Creek is ’n Kanadese sitkom vir televisie wat deur Dan Levy en sy pa, Eugene Levy, geskep is en van 2015 tot 2020 op CBC Television uitgesaai is. Dit is deur Not a Real Company Productions[1] en die Kanadese Uitsaaikorporasie vervaardig. Dit gaan oor die voorheen welgestelde Rosegesin wat, nadat hulle sakebestuurder geld by die familieonderneming, Rose Video, verduister het, hulle fortuin verloor en na ’n motel op die klein (fiktiewe) dorp Schitt's Creek verhuis, waar hulle by hulle nuwe lewensomstandighede moet aanpas.

Die reeks se konsep het van Dan Levy gekom, wat gewonder het hoe welgestelde gesinne, soos dikwels uitgebeeld in Amerikaanse werklikheidstelevisie, sou reageer as hulle al hulle geld verloor. Die eerste paar seisoene se gewildheid was beperk, maar ná die derde seisoen het die reeks gewilder geraak danksy 'n verskyning op Netflix en ’n dinamiese teenwoordigheid op sosiale media.[2]

Die Rosegesin, kloksgewys van links heel bo: Johnny (Eugene Levy), Moira (Catherine O'Hara), David (Dan Levy) en Alexis (Annie Murphy).

Schitt's Creek het lof by resensente ontvang en ’n kultusaanhang opgebou, veral vir sy skryfwerk, humor en spel. Dit het verskeie pryse gewen, insluitend 18 Canadian Screen Awards.[3][4] Dit is die eerste Kanadese reeks wat vir ’n Critics' Choice Television Award vir beste komediereeks benoem is.[5] Dit het ook 19 Emmy-benoemings gekry, insluitend twee keer vir uitmuntende komediereeks.[6][7] Op die 72ste Primetime Emmy-toekenningsaand het die reeks se finale seisoen al sewe groot komedietoekennings gewen. Dit was die eerste keer dat dit gebeur het. Dit het 'n rekord opgestel vir die wen van al vier groot akteurskategorieë.

Storielyn

[wysig | wysig bron]

Die ryk Rosegesin – die videowinkelmagnaat Johnny, sy vrou en die voormalige sepieaktrise Moira en hulle selfgesentreerde, bedorwe kinders, David en Alexis – verloor hulle fortuin nadat hulle sakebestuurder hulle ingeloop het. Die regering lê op hulle huis beslag en hulle moet noodgedwonge na hulle enigste oorblywende bate verhuis: 'n verafgeleë dorp met die naam Schitt's Creek iewers in Kanada, wat Johnny as 'n grap vir sy seun gekoop het.[8]

Die Roses gaan woon in twee aangrensende kamers in die dorp se bouvallige motel. Terwyl die gesin by hulle nuwe lewe aanpas, bots hulle houdings met dié van die plat-op-die-aarde-inwoners, insluitend die burgemeester, Roland Schitt, sy vrou, Jocelyn, hulle seun, Mutt, die motelklerk Stevie Budd en die veearts Ted Mullens.[8]

Hoofakteurs

[wysig | wysig bron]

Bederwingswaarskuwing: Die storielyn en/of storie se einde volg hieronder.

  • Eugene Levy as Johnny Rose, die geduldige patriarg van die eens welgestelde Rosegesin wat altyd die beste vir sy vrou en kinders probeer doen.
  • Catherine O'Hara as Moira Rose, 'n eksentrieke voormalige sepiester wat hou van glans en haar eie sterstatus. Sy gebruik hoë woorde en praat met 'n vreemde, nagemaakte hoëstandaksent.
  • Dan Levy as David Rose, Johnny en Moira se kunssinnige en modebewuste panseksuele seun, wat hunker na sy stedelike lewenstyl in New York.
  • Annie Murphy as Alexis Rose, Johnny en Moira se dogter, 'n sosiale vlinder wat met baie sterre uitgegaan en talle vreemde situasies in ander lande oorleef het.
  • Emily Hampshire as Stevie Budd, die siniese klerk en later eienaar van die motel, wat David se beste vriendin en Johnny se sakevennoot word.
Die gebou wat vir Bob's Garage in Schitt's Creek gebruik is.
  • Chris Elliott as Roland Schitt, die nuuskierige en soms irriterende burgemeester van Schitt’s Creek wat later in die motel begin werk.
  • Jennifer Robertson as Jocelyn Schitt, die burgemeester se vrolike, optimistiese vrou wat ook 'n onderwyseres en die leier van die vroue se a cappella-groep, The Jazzagals, is.
  • Noah Reid as Patrick Brewer, David se praktiese en goedhartige sakevennoot. Hy en David raak later romantiese by mekaar betrokke en trou aan die einde van die reeks.
  • Tim Rozon as Mutt Schitt, Roland en Jocelyn se onambisieuse seun en Alexis se kêrel in die eerste twee seisoene.
  • Dustin Milligan as Ted Mullens, die dorp se veearts wat op Alexis verlief raak.
  • Sarah Levy as Twyla Sands, die vriendelike kelnerin van die Café Tropical. In die werklike lewe is sy Eugene Levy se dogter en Dan Levy se suster.
  • John Hemphill as Bob Currie, die eienaar van Bob's Garage en lid van die stadsraad

Ontvangs

[wysig | wysig bron]

Die eerste seisoen van Schitt's Creek het gemengde tot positiewe resensies ontvang. Op Rotten Tomatoes het dit 'n goedkeuringsyfer van 68% gekry, gebaseer op 28 resensies, met 'n gemiddelde punt van 6,4/10. Die webtuiste se konsensus lui: "Die titel is een van die beste grappe in Schitt's Creek, maar die spel van Eugene Levy en Catherine O'Hara gee die draaiboek 'n komediese hupstoot."[9] Op Metacritic het die eerste seisoen 'n punt van 64 uit 100 gekry, gebaseer op 11 resensies, wat dui op 'n "gunstige" ontvangs.[10] Vinay Menon van die Toronto Star het geskryf dit is "een van die beste CBC-komedies in jare".[11] Die Los Angeles Times het geskryf die reeks is "baie snaaks, met goeie spel, en is soms hartroerend".[12] Mike Hale van The New York Times het egter gedink dit is vaal en "onderskrewe".[13]

Die daaropvolgende seisoene is goed ontvang, en die reeks het gewilder geword nadat dit in Januarie 2017 op Netflix verskyn het.[14] Op Rotten Tomatoes het seisoene 2, 4, 5 en 6 'n goedkeuringsyfer van 100% gehad.[15][16][17] Die finale seisoen se konsensus lui: "Schitt's Creek se finale episode is die perfekte vaarwel aan die Roses en die dorp wat hulle lewe verander het: snaaks, warm en met net die regte mengsel van pittighede en wysheid."[18] Op Metacritic het die finale episode 'n punt van 95 uit 100 gekry, gebaseer op 4 resensies, wat dui op "algemene byval".[19] Maggie Fremony het in New York Magazine geskryf: "Dit duur 'n paar episodes voordat die reeks tot sy reg kom, maar daarna wil jy nie ophou kyk nie."[20]

In 2019 het TV Guidee dit genoem "die beste program nou op TV".[21]

Die reeks het ook lof ontvang vir die uitbeelding van 'n panseksuele karakter, vertolk deur Dan Levy,[22][23] en die goeie ontvangs van David se seksualiteit en daaropvolgende verhouding met Patrick, wat deur die ander karakters aanvaar is sonder 'n sweempie van homofobie in die storielyn.[24]

Pryse en benoemings

[wysig | wysig bron]

In 2015 het Schitt's Creek se eerste seisoen twee Directors Guild of Canada-pryse uit drie benoemings gewen. Op die 4de Canadian Screen Awards-seremonie het seisoen 1 nege pryse uit 16 benoemings ontvang. Schitt's Creek se tweede seisoen het 13 benoemings by die 5de Canadian Screen-seremonie ontvang.[25]

In 2018 het die reeks benoemings ontvang van die VSA-gebaseerde MTV Movie & TV Awards en die Critics' Choice Television Awards. In 2019 is die reeks vir 15 Canadian Screen Awards en vier Emmys benoem, en het dit op die Canadian Screen Awards die toekenning gewen vir beste spel deur ’n aktrise in ’n voortgesette hoofkomiedierol (O'Hara) en vir beste komedieprogram of -reeks. In dieselfde jaar het die reeks Dorian Awards van die Society of LGBTQ Entertainment Critics gewen vir TV-komedie van die jaar en onbesonge TV-program van die jaar.[6][26][27]

In 2020 is die sesde en laaste seisoen vir 15 Emmys benoem.[28][29] Dit het die rekord oortref vir die meeste Emmy-benoemings wat aan ’n komediereeks in sy finale seisoen toegeken is.[30] Tydens die 72ste Primetime Emmy Awards was die program die eerste komedie- of dramareeks ooit wat al vier akteurskategorieë gewen het (vir beste akteur en aktrise én beste manlike en vroulike byspeler) vir O’Hara, Murphy en die twee Levys.[31] Dit was ook een van slegs vier (saam met All in the Family, The Golden Girls en Will & Grace) waar al die hoofakteurs minstens een Emmy gewen het.[32] In 2021 het dit die Screen Actors Guild Award gewen vir uitmuntende spel deur 'n span in ’n komediereeks.[33]

Verwysings

[wysig | wysig bron]
  1. ↑ Cummins, Julianna (11 Februarie 2014). "SCTV alums Levy and O'Hara to star in CBC comedy". Playback. Geargiveer vanaf die oorspronklike op 1 Augustus 2020. Besoek op 14 Januarie 2015.
  2. ↑ "Schitt's Creek: Everything You Need to Know About the Emmys' Favorite Comedy". www.vanityfair.com. 20 September 2020. Geargiveer vanaf die oorspronklike op 3 Februarie 2021. Besoek op 21 September 2020.
  3. ↑ "Room, Schitt's Creek Dominate Canadian Screen Awards". Geargiveer vanaf die oorspronklike op 3 Februarie 2021. Besoek op 8 Desember 2017.
  4. ↑ "Winners: The 18th Annual ACTRA Awards in Toronto | Markets Insider". markets.businessinsider.com. 22 Februarie 2020. Geargiveer vanaf die oorspronklike op 3 Februarie 2021. Besoek op 2 Maart 2020.
  5. ↑ Yeo, Debra (13 Desember 2018). "Schitt's Creek Becomes First Canadian Comedy Series Nominated for a Critics' Choice Award". The Star. Geargiveer vanaf die oorspronklike op 6 Mei 2019. Besoek op 19 Januarie 2019.
  6. 1 2 "Pop TV President Celebrates 'Schitt's Creek' Emmy Breakthrough: "Holy S***!"". The Hollywood Reporter (in Engels). 16 Julie 2019. Geargiveer vanaf die oorspronklike op 16 Julie 2019. Besoek op 16 Julie 2019.
  7. ↑ "Nominations Announced for the 26th Annual Screen Actors Guild Awards ® | Screen Actors Guild Awards". www.sagawards.org (in Engels). Geargiveer vanaf die oorspronklike op 12 Desember 2019. Besoek op 11 Desember 2019.
  8. 1 2 "SCTV Stars Levy and O'Hara Reunite for a Forthcoming CBC Sitcom Called Schitt's Creek". Canada.com. 10 Februarie 2014. Geargiveer vanaf die oorspronklike op 16 April 2020.
  9. ↑ "Schitt's Creek: Season 1". Rotten Tomatoes. Geargiveer vanaf die oorspronklike op 25 Oktober 2016. Besoek op 2 Julie 2020.
  10. ↑ "Schitt's Creek: Season 1". Metacritic. Geargiveer vanaf die oorspronklike op 3 Februarie 2021. Besoek op 19 April 2018.
  11. ↑ Menon, Vinay (19 Januarie 2015). "Schitt's Creek is off to a dazzling start: Menon – Toronto Star". The Toronto Star. Geargiveer vanaf die oorspronklike op 3 Februarie 2021. Besoek op 27 Maart 2018.
  12. ↑ Lloyd, Robert (11 Februarie 2015). "Canadian 'Creek' overflows with good humor". Los Angeles Times. Geargiveer vanaf die oorspronklike op 4 Oktober 2022. Besoek op 28 November 2016.
  13. ↑ Hale, Mike (10 Februarie 2015). "Review: In 'Schitt's Creek,' a Spoiled Little Rich Family Starts Over". The New York Times. Geargiveer vanaf die oorspronklike op 6 Julie 2019. Besoek op 27 Maart 2018.
  14. ↑ Jung, E. Alex (16 Januarie 2019). "Dan Levy Made Schitt's Creek With His Dad. But It's His Weird Little Baby". Vulture. Geargiveer vanaf die oorspronklike op 31 Mei 2019. Besoek op 16 Januarie 2019.
  15. ↑ "Schitt's Creek: Season 2". Rotten Tomatoes. Geargiveer vanaf die oorspronklike op 18 Julie 2022. Besoek op 27 Januarie 2019.
  16. ↑ "Schitt's Creek: Season 4". Rotten Tomatoes. Geargiveer vanaf die oorspronklike op 18 Julie 2022. Besoek op 27 Januarie 2019.
  17. ↑ "Schitt's Creek: Season 5". Rotten Tomatoes. Geargiveer vanaf die oorspronklike op 3 Februarie 2021. Besoek op 27 Januarie 2019.
  18. ↑ "Schitt's Creek: Season 6". Rotten Tomatoes. Geargiveer vanaf die oorspronklike op 3 Februarie 2021. Besoek op 21 September 2020.
  19. ↑ "Schitt's Creek: Season 6". Metacritic. Geargiveer vanaf die oorspronklike op 10 Februarie 2022. Besoek op 16 Januarie 2022.
  20. ↑ Fremont, Maggie (9 April 2018). "Why Aren't You Watching Schitt's Creek Yet?". Vulture. Geargiveer vanaf die oorspronklike op 3 Februarie 2021. Besoek op 16 Januarie 2019.
  21. ↑ Gennis, Sadie (9 September 2019). "Schitt's Creek Is the Best Show on TV Right Now". TV Guide (in Engels). Geargiveer vanaf die oorspronklike op 5 Maart 2020. Besoek op 9 September 2019.
  22. ↑ "Dan Levy Talks Playing Pansexual on Schitt's Creek – Flare". Flare (in American English). 31 Maart 2015. Geargiveer vanaf die oorspronklike op 1 Januarie 2020. Besoek op 8 Desember 2017.
  23. ↑ Ferber, Taylor. "Dan Levy Won't Make Pansexual Schitt's Creek Character a 'Caricature'". Vulture (in Engels). Geargiveer vanaf die oorspronklike op 18 Julie 2022. Besoek op 8 Desember 2017.
  24. ↑ Ivie, Devon (18 November 2018). "Dan Levy Explains Why Homophobia Will Never Infiltrate Schitt's Creek". Vulture (in Engels). Geargiveer vanaf die oorspronklike op 16 Junie 2019. Besoek op 16 Januarie 2019.
  25. ↑ "2017 Film Nominees – Academy.ca". Academy.ca (in American English). Geargiveer vanaf die oorspronklike op 17 Januarie 2017. Besoek op 3 Februarie 2017.
  26. ↑ "Dorian Awards". GALECA: The Society of LGBTQ Entertainment Critics: Home of The Dorian Awards. Geargiveer 1 Januarie 2020 op Wayback Machine Retrieved October 11, 2019.
  27. ↑ "Anne with an E, Schitt's Creek win big at 2019 Canadian Screen Awards". ca.hellomagazine.com (in Engels). April 2019. Besoek op 5 April 2019.
  28. ↑ "'Schitt's Creek's' Final Season Takes Emmys Victory Lap". Variety (in Engels). 28 Julie 2020. Geargiveer vanaf die oorspronklike op 28 Julie 2020. Besoek op 29 Julie 2020.
  29. ↑ "Emmy Awards 2020: Schitt's Creek and Succession win big". BBC News. 21 September 2020. Geargiveer vanaf die oorspronklike op 11 Januarie 2021. Besoek op 6 April 2021.
  30. ↑ "'Schitt's Creek' Breaks Record for Most Emmy Nominations Given to a Comedy in Its Final Season". www.yahoo.com (in American English). 28 Julie 2020. Geargiveer vanaf die oorspronklike op 29 Julie 2020. Besoek op 29 Julie 2020.
  31. ↑ Bilefsky, Dan (21 September 2020). "Canadians Rejoice as 'Schitt's Creek' Sweeps Emmy Awards". The New York Times. Geargiveer vanaf die oorspronklike op 3 Februarie 2021. Besoek op 28 September 2020.
  32. ↑ Dellatto, Marisa (20 September 2020). "Why the 'Schitt's Creek' Emmys 2020 wins are so historic". New York Post. Geargiveer vanaf die oorspronklike op 21 September 2020. Besoek op 20 September 2020.
  33. ↑ "'Schitt's Creek Wins SAG Award, Dan Levy Moved Back in With Parents". www.out.com. 4 April 2021.

Skakels

[wysig | wysig bron]
Ontsluit van "https://af.wikipedia.org/w/index.php?title=Schitt%27s_Creek&oldid=2856448"