Schneeberg (Alpe)
Die Schneeberg, met sy 2 076 meter (6 811 voet) hoë piek Klosterwappen, is die hoogste berg van Neder-Oostenryk, en die oostelikste en mees noordelike berg in die Alpe wat meer as 2000m hoog is. Dit is 'n kenmerkende kalksteenmassief met steil hellings aan drie kante.
Die Schneeberg is een van die Noordelike Kalkryke Alpe, gesetel in die grensgebied tussen Neder-Oostenryk en Stiermarke, in die oostelike deel van Oostenryk. Dit en die Rax (2 007 meters (6 585 voet)), sowat 13 kilometer (8.1 myl) na die suidweste, word gesamentlik beskou as die Weense Hausberge (Wene se "plaaslike berge"). Die ryklike Karst- plato's het sedert 1873 drinkwater vir Wene verskaf, via 'n 120 kilometer (75 myl) lange pypleiding. Daar word beweer dat dit die beste drinkwater in die wêreld is.
Op helder dae kan die Schneeberg maklik gesien word vanaf dele van Wene, sowat 65 kilometer (40 myl) weg (soos die kraai vlieg), vanaf Bratislava in Slowakye en selfs ook van Babí Lom bokant Brno, 180 kilometer weg. Die Schneeberg is 'n kruin met 'n hoogte van meer as 1500 m, wat net die limiet vir 'n ultra-prominente piek (1500) mis.
'n Tandstangspoorlyn, die Schneebergspoorweg, wat nou meer as 'n 100 jaar oud is, styg tot 'n hoogte van 1 800 meters (5 900 voet), wat die staptog na die kruin met 'n uur of twee verminder. Daar is ook verskeie ander roetes vir stappers, insluitend vanaf die spa-oord Puchberg am Schneeberg na die ooste, of vanaf die suide, in Höllental. Aan die noordekant van die Schneeberg is daar die Fadensteig as 'n opgangsroete. Vir ervare stappers is die paadjie oor die Fadensteig die moeite werd. Die beginpunt van die Fadensteig is die Edelweißhütte op die Fadensattel op 'n hoogte van 1 235 meter.[2]
Die boonste plato het 'n aantal berghutte wat jaarliks deur duisende stappers, klimmers en selfs bergfietsryers besoek word. Daar is talle ski-bane, sommige van hulle uiters steil, waarvan die bekendste oor die Breite Ries lei.[3][4]
Verwysings
[wysig | wysig bron]- ↑ "Notable photography works".
- ↑ Schneeberg (2076m) classic from Losenheim over the Fadensteig (German)
- ↑ Alpenverein Edelweiss: Schneeberg, Breite Ries
- ↑ Thomas Rambauske "Skitour zur allerersten alpinen Steilabfahrt" (German: Ski tour to the very first steep alpine descent), Der Standard, 14.March 2014.
Eksterne skakels
[wysig | wysig bron]
Wikimedia Commons het meer media in die kategorie Schneeberg (Alpe).- Webcams of Losenheim and Puchberg
- Webcams: Schneeberg - Fischerhütte, Damböckhaus, Losenheim
- Bergsteigen.at with information about climbing routes and huts in the Schneeberg/Rax area
