Scholz se Ster

in Wikipedia, die vrye ensiklopedie
Jump to navigation Jump to search
WISE J072003.20-084651.2
Sterrebeeld Eenhoring
Spektraaltipe A: M9,5 ± 0,5[1]
B: T5,5 ± 0,5[1]
Soort Dubbelster
Waarnemingsdata (Epog J2000)
Regte klimming 07h 20m 03.254s[2]
Deklinasie -08° 46′ 49.90″[2]
Skynmagnitude (m) 18,3[3]
Absolute magnitude (M) 19,4[4]
Besonderhede
Massa (M) 0,095[1]
0,063[1]
Ouderdom (jaar) 3-10 miljard[3]
Temperatuur (K) 3 325,75+97,5−48,1
Afstand (ligjaar) 22
Eienskappe
Veelvoudigheid 2
Ander name
WISE J072003.20-084651.2,[2] WISE 0720-0846, 2MASS J07200325-0846499,[2] 2MASS 0720-0846
Portaal  Portaalicoon   Sterrekunde

Scholz se Ster (WISE-naam WISE 0720-0846 of voluit WISE J072003.20-084651.2) is ’n dowwe dubbelster 22 ligjare van die Son af in die sterrebeeld Eenhoring, naby die galaktiese vlak.[3] Dit is in 2013 deur die sterrekundige Ralf-Dieter Scholz ontdek. In 2015 het Eric Mamajek en medewerkers berig die stelsel het rofweg 70 000 jaar gelede deur die Sonnestelsel se Oortwolk beweeg.[3] Hulle het dit "Scholz se Ster" genoem.

Eienskappe[wysig | wysig bron]

Die primêre ster, A, is ’n rooidwerg met ’n sterreklassifikasie van M9 en ’n massa van 86 jupitermassas.[3] Die sekondêre ster, B, is moontlik ’n bruindwerg van 65 jupitermassas met ’n klassifikasie van klas T.[3] Die gesamentlike massa is 0,15 sonmassas.[3] Die twee sterre wentel op ’n afstand van sowat 0,8 AE van mekaar af[3] met ’n wentelperiode van rofweg vier jaar.[5] Hulle het ’n skynbare magnitude van 18,3[3] en is na raming tussen 3 miljard en 10 miljard jaar oud.[3]

In 2018 is verdere navorsing gepubliseer wat aandui die versteuring van die Oortwolk het ’n groter uitwerking gehad as wat voorheen vermoed is.[6][7][8]

Verbyvlug van die Sonnestelsel[wysig | wysig bron]

Volgens ramings het die WISE 0720-0846-stelsel sowat 70 000 jaar gelede omtrent 52 000 AE van die Son af verbybeweeg.[3][9] [10] Altesaam 98% van die wiskundige simulasies van die stelsel se wentelbaan het aangetoon dit het deur die Oortwolk beweeg, of binne 120 000 AE van die Son af.[3] Komete wat in die Oortwolk versteur word, neem sowat 2 miljoen jaar om die binneste Sonnestelsel te bereik.[3] Op sy naaste aan ons sou die stelsel ’n skynbare magnitude van sowat 11,4 gehad het en sou dit die beste uit die Noordelike Halfrond sigbaar gewees het.[4] ’n Ster beweeg na verwagting elke 100 000 jaar of so deur die Oortwolk.[4] ’n Verbyvlug van 52 000 AE van die Son af of nader vind na verwagting elke 9 miljoen jaar plaas.[3]

Volgens ’n onlangse raming het WISE J0720-0846AB sowat 80 500 ± 0,7 jaar gelede binne 68 700 ± 2,0 AE van die Son af verbybeweeg.[1]

Oor sowat 1,4 miljoen jaar sal Gliese 710 tydens sy perihelium binne 8 800 tot 13 700 AE van die Son af kom.

Verwysings[wysig | wysig bron]

  1. 1,0 1,1 1,2 1,3 1,4 (19 Augustus 2019) “WISE J072003.20-084651.2B Is A Massive T Dwarf” (in Engels). Besoek op 21 Augustus 2019.
  2. 2,0 2,1 2,2 2,3 "2MASS J07200325-0846499". Simbad. Centre de données astronomiques de Strasbourg. Besoek op 2015-02-18.
  3. 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 (2015) “The Closest Known Flyby of a Star to the Solar System”. The Astrophysical Journal 800 (1). doi:10.1088/2041-8205/800/1/L17.
  4. 4,0 4,1 4,2 Mamajek, Eric. "FAQ" (in Engels). Geargiveer vanaf die oorspronklike op 19 September 2019. Besoek op 18 Februarie 2015.
  5. (2015) “Radio Emission and Orbital Motion from the Close-encounter Star–Brown Dwarf Binary WISE J072003.20–084651.2”. The Astronomical Journal 150 (6). doi:10.1088/0004-6256/150/6/180.
  6. De la Fuente Marcos, Carlos; De la Fuente Marcos, Raúl; Aarseth, Sverre J.; (2018-05-01). Monthly Notices of the Royal Astronomical Society: Letters, Volume 476, uitg. 1, 1 Mei 2018, ble. L1–L5, https://doi.org/10.1093/mnrasl/sly019 gepubliseer op 6 Februarie 2018. Besoek by https://academic.oup.com/mnrasl/article-abstract/476/1/L1/4840245?redirectedFrom=fulltext.
  7. Warren, Matt (2018-03-22). Prehistoric visit from nearby star disturbed comets in our solar system, Science, 22 Maart 2018. Besoek by http://www.sciencemag.org/news/2018/03/prehistoric-visit-nearby-star-disturbed-comets-our-solar-system?et_rid=382659176&et_cid=1923796.
  8. Dvorsky, George (2018-03-21). A Visiting Star Jostled Our Solar System 70,000 Years Ago, Gizmodo, 21 Maart 2018. Besoek by https://gizmodo.com/a-visiting-star-jostled-our-solar-system-70-000-years-a-1823954398.
  9. "Featured Research: Closest known flyby of star to our solar system: Dim star passed through Oort Cloud 70,000 years ago". Science Daily. 17 Februarie 2015. Besoek op 2015-02-21.
  10. (10 Mei 2018) “An Independent Confirmation of the Future Flyby of Gliese 710 to the Solar System Using Gaia DR2”. Research Notes of the AAS 2 (2): 30. doi:10.3847/2515-5172/aac2d0.

Eksterne skakels[wysig | wysig bron]