Schoonspruitoog

in Wikipedia, die vrye ensiklopedie
Jump to navigation Jump to search

Die Oog van Schoonspruit by Ventersdorp is een van Suid-Afrika se sterkste fonteine.

Hierdie natuurlike bron van grondwater lê net noordoos van Ventersdorp, langs die R30-pad, by die koördinate 26°17′S 26°51′O / 26.283°S 26.850°O / -26.283; 26.850 en 1489 m bo seevlak. Die Voortrekkers was reeds in 1850 bewus van hierdie bron.

Die fontein handhaaf dwarsdeur die jaar ‘n redelike konstante vloei. Dit lewer ten minste 70 000 m³ water van goeie gehalte per etmaal. Maar indien dit in die opvangsgebied goed reën, kan die uitloop tydelik meer as verdubbel. 'n Netwerk van kanale lei die water na plase in die omgewing. Ventersdorp se munisipaliteit het 'n waterreg van 400 m³ per uur. Die res loop weg in die Schoonspruit.

Hierdie water is afkomstig uit die Schoonspruit dolomitiese kompartement. Die belangrikste bron van grondwater in Suid-Afrika is die dolomiet-series, d.w.s. klip met 'n baie hoë kalkinhoud, wat geoloë die Transvaalsisteem noem. Dit beslaan 'n area van 14 000 km².

Lees ook[wysig | wysig bron]

Bibliografie[wysig | wysig bron]

  • De Villiers, J.P.: ‘n Evaluering van die effektiwiteit van die Schoonspruitbesproeiingskema. Noordwes-universiteit: ongepubliseerde M.Sc.-verhandeling, 2007.
  • scholar.ufs.ac.za