Schtonk!
| Schtonk! | |
|---|---|
| Regisseur | Helmut Dietl |
| Draaiboek | Helmut Dietl Ulrich Limmer |
| Geskoei op | Die Hitler-dagboeke |
| Met | Götz George Uwe Ochsenknecht |
| Land | Duitsland |
| Taal | Duits |
| IMDb-profiel | |
Schtonk! (met die subtitel Der Film zum Buch vom Führer; "Die rolprent tot die boek van die Führer") is 'n Duitse satiriese rolprent van 1992 wat die verhaal vertel van die swendelary in 1983 met die Hitler-dagboeke. Dit is deur Helmut Dietl geskryf en geregisseer.
Agtergrond
[wysig | wysig bron]- Die hoofartikel vir hierdie afdeling is: Hitler-dagboeke.
In 1983 het die Duitse tydskrif Stern met groot fanfare begin met die publikasie van die veronderstelde Hitler-dagboeke. Hulle is gou met forensiese tegnieke vals bewys.
Die medeskrywer en regisseur Helmut Dietl het die skandaal twee jaar lank nagevors. Die titel verwys na Charlie Chaplin se klassieke prent The Great Dictator, waarin die diktator Adenoid Hynkel die woord "Schtonk!" herhaaldelik gebruik as 'n uitdrukking van afkeer. Die woord het geen betekenis in Duits nie.
.jpg)
Rolverdeling
[wysig | wysig bron]- Götz George as Hermann Willié (joernalis; fiktiewe weergawe van Gerd Heidemann)
- Uwe Ochsenknecht as Fritz Knobel (die vervalser Konrad Kujau)
- Ulrich Mühe as dr. Wieland
- Harald Juhnke as Pit Kummer
- Hermann Lause as Kurt Glück
- Martin Benrath as Uwe Esser
Ontvangs en pryse
[wysig | wysig bron]Die prent was 'n groot sukses in Duitsland, maar het in baie ander lande swak gevaar.[1] Dit was die Duitse prent met die tweede grootste wins van die jaar.[2]
In 1992 het Schtonk! drie pryse gewen op die Deutscher Filmpreis-toekenningsaand en een op die Tokio- Internasionale Rolprentfees. Die fliek is ook vir 'n Oscar en Golden Globe benoem vir beste buitelandse prent.[3]
Verwysings
[wysig | wysig bron]- ↑ "Making Mann more desirable". Screen International. 2 Februarie 1996. p. 30.
- ↑ "Statistics". Screen International. 26 Maart 1993. p. 34.
- ↑ "The 65th Academy Awards (1993) Nominees and Winners". oscars.org. 4 Oktober 2014. Besoek op 19 September 2015.
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
