Scottish Horse-gedenkteken
Die Scottish Horse-gedenkteken is ’n monument in Kensington, Johannesburg. Dit is opgerig op ’n koppie, Caledoniaheuwel, wat begrens word deur Somersetweg in die noorde, Katoombastraat in die ooste, Highlandweg in die suide en Good Hopestraat in die weste.
Die gedenkteken is ontwerp deur William Tait-Conner en onthul op 19 Mei 1904. Dit bestaan uit ’n Keltiese kruis met reliëfwerk op ’n voetstuk wat in graniet uitgevoer is. Die gedenkteken kan met trappies uit Highlandweg bereik word en is ’n gewilde uitkykpunt oor die omliggende voorstede en verder tot by die toringblokke van Hillbrow en die middestad.
Bron[wysig | wysig bron]
- (af) Van der Waal, Gerhard-Mark. 1986. Van mynkamp tot metropolis. Die boukuns van Johannesburg 1886-1940. Johannesburg: Chris van Niekerk Publikasies (Edms.) Bpk.
Eksterne skakels[wysig | wysig bron]
- (en) The story behind one of Johannesburg's earliest war memorials
- (en) Scottish Horse Memorial on Caledonia Hill Geargiveer 20 Junie 2019 op Wayback Machine
- (en) Scottish Horse War Memorial on Caledonia Hill Geargiveer 21 Augustus 2017 op Wayback Machine
Koördinate: 26°12′1.73″S 28°5′5.51″O / 26.2004806°S 28.0848639°O