Seeroogblommetjie
| Hypoestes aristata | |
|---|---|
| |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | |
| Subfamilie: | |
| Tribus: | |
| Subtribus: | |
| Genus: | |
| Spesie: | H. aristata
|
| Binomiale naam | |
| Hypoestes aristata | |
| Sinonieme | |
| |
Die seeroogblommetjie (Hypoestes aristata) is 'n struikagtige meerjarige wat in die herfs oortrek word met are klein, buisvormige ligpers blommetjies met donker pers strepies. Die blare is sag, effens harig en heldergroen. Hierdie plant vorm 'n ronde bos tot 1.5 meter hoog en 1 meter wyd.
Die Seeroogblommetjie staan ook soms bekend as die Lintbos – afgelei van die Engelse naam “Ribbon Bush” wat verwys na die manier hoe die blomme se kroonblare omkrul soos bloemistelint. Die gewone Afrikaanse naam, seeroogblommetjie, verwys na die tradisionele gebruik van die gekneusde blare as 'n behandeling vir seer oë.
Fotogalery[wysig | wysig bron]
-
Die Seeroogblommetjie, Hypoestes aristata -
Die Seeroogblommetjie, Hypoestes aristata
Verspreiding[wysig | wysig bron]
Woude, ruigtes en klam plekke in die Oos-Kaap, KwaZulu-Natal, Mpumalanga en Limpopo.
Ekologie[wysig | wysig bron]
Die blomme word besoek deur vlieë, bye en ander klein insekte wat insekvretende voëls lok soos die Sneeubal, Suidelike waterfiskaal, janfrederike, houtkappers en lysters.
Tuinbou[wysig | wysig bron]
Hierdie immergroen meerjarige verkies halfskadu, maar kan ook in 'n sonnige posisie oorleef. Dit is veral geskik om in massas onder bome aan te plant en verg min instandhouding. Dit groei vinnig, maar hoef net een keer per jaar hard gesnoei te word nadat dit klaar geblom het.
Die Seeroogblommetjie vereis vrugbare, komposryke grond met baie water in die somer, maar min in die winter.
Voortplanting geskied deur saad of steggies. Saad moet in Augustus gesaai word en saailinge sal dikwels vanself in die tuin verskyn. Steggies vorm maklik wortels in klein potjies sand.
Bronne[wysig | wysig bron]
 |
Wikimedia Commons bevat media in verband met Hypoestes aristata. |
- Die Suid-Afrikaanse watter blom is dit? Kristo Pienaar. 2000. Struik Uitgewers. ISBN 1-86872-442-5
- Skeppende tuinmaak met inheemse plante. Pitta Joffe. 2003. Briza Publikasies. ISBN 1-875093-36-2
- Begin Inheems. Anneke Kearney. 2008. Metz Press. ISBN 978-1-919992-93-8
- Keith Kirsten se volledige tuingids vir Suid-Afrika. Keith Kirsten. 1992. Human & Rousseau. ISBN 0-7981-2924-7