Gaan na inhoud

Sertralien

in Wikipedia, die vrye ensiklopedie
Die Sertralien molekuul.
Zoloft-pille

Sertralien, wat onder andere onder die handelsnaam Zoloft verkoop word, is 'n antidepressant van die selektiewe serotonienheropname-inhibeerder (SSRI) klas.[1] Dit word gebruik om kliniese depressie, obsessief-kompulsiewe versteuring, paniekversteuring, post-traumatiese stresversteuring, premenstruele disforiese versteuring en sosiale angsversteuring te behandel.[1] Sertralien word oraal ingeneem.[1]

Algemene newe-effekte sluit in diarree, seksuele disfunksie en slapeloosheid.[1] Ernstige newe-effekte sluit in 'n verhoogde risiko van selfmoord by diegene jonger as 25 jaar en serotoniensindroom.[1] Dit is onduidelik of gebruik tydens swangerskap of borsvoeding veilig is.[2] Dit moet nie saam met MAO- inhibeermiddels gebruik word nie.[1] Daar word geglo dat sertralien werk deur serotonien- effekte in die brein te verhoog.[1]

Sertralien is in 1991 vir mediese gebruik in die Verenigde State goedgekeur en aanvanklik deur Pfizer verkoop.[1] Dit is op die Wêreldgesondheidsorganisasie se Lys van Essensiële Medisyne as 'n alternatief vir fluoksetien.[3] Dit is beskikbaar as 'n generiese medikasie.[1] In 2016 was dit die mees voorgeskrewe psigiatriese medikasie in die Verenigde State,[4] met meer as 37 miljoen voorskrifte.[5] In 2017 was dit die 14de mees voorgeskrewe medikasie in die Verenigde State met meer as 38 miljoen voorskrifte.[6][5]

Verwysings

[wysig | wysig bron]
  1. 1 2 3 4 5 6 7 8 9 "Sertraline Hydrochloride". Drugs.com. The American Society of Health-System Pharmacists. Geargiveer vanaf die oorspronklike op 18 Maart 2019. Besoek op 8 Januarie 2018.
  2. ↑ "Sertraline (Zoloft) Use During Pregnancy". Drugs.com. Geargiveer vanaf die oorspronklike op 20 Junie 2020. Besoek op 7 Januarie 2018.
  3. ↑ World Health Organization (2023). The selection and use of essential medicines 2023: web annex A: World Health Organization model list of essential medicines: 23rd list (2023). Geneva: World Health Organization. hdl:10665/371090. WHO/MHP/HPS/EML/2023.02.
  4. ↑ Grohol, John M. (12 Oktober 2017). "Top 25 Psychiatric Medications for 2016". Psych Central. Geargiveer vanaf die oorspronklike op 20 September 2020. Besoek op 22 Oktober 2018.
  5. 1 2 "Sertraline Hydrochloride - Drug Usage Statistics". ClinCalc. 23 Desember 2019. Geargiveer vanaf die oorspronklike op 11 April 2020. Besoek op 11 April 2020.
  6. ↑ "The Top 300 of 2020". ClinCalc. Geargiveer vanaf die oorspronklike op 18 Maart 2020. Besoek op 11 April 2020.