Ses soldate

Ses Soldate is 'n 95 minuut lange Afrikaanse dokumentêre drama wat in 1974 vrygestel is.^[1] Die film is deur Bertrand Retief geregisseer met 'n draaiboek ook deur Bertrand Retief, vervaardig deur Kavaliers Filmproduksies/Bertrand Retief en Ben Vlok (Media) en versprei deur Primedia/Nu Metro.^[1]

Sinopsis

Hierdie is 'n dokumentêre drama oor die Grensoorlog van die 1970's, waar Soldate van die Suid-Afrikaanse Weermag teen guerrilla's op die noordelike grense van Suid-Afrika te staan gekom het. Die verhaal volg vyf dienspligtiges wat in 'n weermagopleidingskamp in Kimberley aanmeld. Hier word hulle deur 'n genadelose sersant-majoor aan die swaarkry van die weermaglewe blootgestel. Die vyf jong mans bou 'n sterk vriendskap en kameraadskap op wat soms ook die sersant-majoor insluit. Wanneer die sersant-majoor die "sagte" een in die groep beskerm, word hy as gevolg van sy lojaliteit gedemoveer. Daarna bied die vyf, saam met hul gedemoveerde leier, vrywillig aan vir diens aan die grens. Tydens een van hul missies dring hulle vyandelike gebied binne en word van hul ondersteuningsgroep afgesny. In hul desperate pogings om terug by die basiskamp te kom, moet hulle intense vyandelike vuur verduur. Twee van hulle, insluitend die sersant, sterf en hul liggame word agtergelaat. ^[1]

Rolverdeling

Die rolverdeling is Barry Trengove (as Sersant), Richard Loring (as Soutie), Sydney Chama (as Chico), Ken Hare (as Tiny), Lieb Bester (as Liebling), Frederich Stark (as Poepies), Dan Davis (as Mnr.Henderson), Linda Laubscher (as Di), Volenté Bertotti (as Tiny se Nooi), Frances Tomsin (as Patricia), Moira Downie (as Matilda), en Bea Reed (as Mev. Henderson).^[1]

Verwysings

1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[Steyn2015-1] 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[1]