Shenzhense Moltrein

Shenzhense Moltrein
深圳地铁
Shēnzhèn Dìtiě

---

Opening
28 Desember 2004

---

Totale lengte
595 kilometer

---

Lyne
17

---

Stasies
398

---

Spoorwydte
Standaardwydte van 1 425 mm

---

Bedryf deur
SZMC (Shenzhen Metro Group)
MTR Corporation (Shenzhen)

---

Kaart van die moltreinnetwerk

Die Shenzhense Moltrein (Chinees: 深圳地铁; Pinyin: Shēnzhèn Dìtiě) is die moltreinstelsel van die stad Shenzhen in die Guangdong-provinsie van China. Met die nuutste uitbreidings wat op 27 Desember 2024 geopen is, het die netwerk 'n totale lengte van 595,1 kilometer en bedien dit 17 lyne met 398 stasies. Ten spyte van sy relatief onlangse opening op 28 Desember 2004, is die Shenzhense Moltrein reeds die vyfde langste metrostelsel ter wêreld. Daar word beplan dat die netwerk teen 2035 sal bestaan uit 8 snellyne en 24 gewone lyne, met 'n totale lengte van 1 142 kilometer.

Tans het die netwerk 595,1 kilometer (369,8 myl) van roete, wat op 17 lyne met 398 stasies werk. Lyn 1, Lyn 4 en Lyn 10 loop na die grensposte tussen die Shenzhen Spesiale Ekonomiese Sone en die Hongkong Spesiale Administratiewe Streek by Luohu/Lo Wu en Futian Beheerpos/Lok Ma Chau, waar passasiers moet oorstap na Hongkong se MTR Oostelike Spoorlyn om verder na Hongkong te reis.

Geskiedenis

Evolusie van die Shenzhense Moltreinstelsel

Vroeë beplanning

Reeds in laat 1983 het Shenzhen se partysekretaris en burgemeester, Liang Xiang, ’n afvaardiging na Singapoer gelei om hul massavervoerstelsel te bestudeer. Ná hul terugkeer is besluit om ’n groen gordel van 30 meter aan beide kante van Shennan-laan te beskerm, en om ’n 16 meter breë middelstrook te reserveer vir ’n toekomstige ligtemetrostelsel of ligte spoorlyn. Teen 1984 het die "Shenzhen Spesiale Ekonomiese Sone Meesterplan (1985–2000)" egter voorgestel dat ’n ligte metro onvoldoende sou wees om die toekomstige bevolkings- en verkeersgroei van die stad te hanteer. Die verslag het eerder aanbeveel dat ’n swaarspoormetrolyn langs Shennan-laan gebou word. In 1992 het die Sentrale Beplanningsdepartement uiteindelik die projek goedgekeur.

In Augustus 1992, gedurende die herbeplanning van die projek, het die munisipale regering besluit om definitief oor te skakel van ’n ligte metro na ’n swaarspoorlyn vanweë Shenzhen se vinnige stedelike groei. In 1994 is die "Shenzhense stedelike spoorwegmeesterplan" voorberei en in die "Shenzhen Stad Meesterplan (1996–2010)" opgeneem. Die visie vir die netwerk het nege lyne ingesluit, waarvan drie opgradeerde pendelspoorlyne sou wees, gebaseer op bestaande hoofspoorlyne soos die Guangzhou–Shenzhen-spoorlyn. Die totale voorgestelde lengte was 270 km, en hierdie plan het die grondslag gelê vir die huidige Shenzhense Moltreinnetwerk.

Konstruksie opgeskort en hervat

In Desember 1995 het die Staatsraad van China 'n moratorium op die goedkeuring van stadsmetroprojekte ingestel, wat net Beijing, Shanghai en Guangzhou vrygestel het. Die projek in Shenzhen is gevolglik opgeskort. In 1996, kort voor die oorhandiging van Hongkong, is ’n poging aangewend om die projek te heraktiveer deur dit te hermerk as ’n grenskruising-spoorverbinding met Hongkong (Luohu en Huanggang/Lok Ma Chau), om die toenemende behoefte aan grensverkeer te akkommodeer.

Teen 1997 het Shenzhen weer aansoek gedoen vir goedkeuring, en dit in Mei 1998 van die Staatsbeplanningskommissie ontvang. Die projek is nou herdoop as die "Eerste Fase van die Shenzhense Metro". In Julie 1998 is die Shenzhen Metrogroep (SZMC) amptelik gestig, en teen April 1999 is die haalbaarheidstudie goedgekeur.

Eerste Fase (1998–2004)

Konstruksie van die eerste dele van Lyn 1 en Lyn 4 het in 1999 begin. Die amptelike opening van die Shenzhense Moltreinstelsel het plaasgevind op Dinsdag 28 Desember 2004 om 17:00. Shenzhen het dus die sewende stad op die vasteland van China geword om ’n moltreinstelsel te hê, ná Beijing, Tianjin, Shanghai, Guangzhou, Dalian en Wuhan.

Fase II (2007–2011)

Van 2004 tot 2007 was daar ’n gebrek aan amptelike regering belangstelling en aandag vir die uitbreiding van die metro na die voltooiing van Fase 1, met min of geen aktiewe projekte nie.[28] Die spoed van metrokonstruksie is bespot as "grondwurmspoed".[29] Op 17 Januarie 2007 het Shenzhen die reg gewen om die 2011 Universiade aan te bied. In die bod het Shenzhen belowe om 155 km (96 myl) van metrolyne te voltooi voor die speletjies.[28] Die burgemeester van Shenzhen destyds, Xu Zongheng, het die spoed en doeltreffendheid van Shenzhen se moltreinkonstruksieprosedures sterk gekritiseer en ’n hervorming gevra.[30] Daarna het die Shenzhen-munisipale regering en verskeie departemente ’n aanspreeklikheidsvorm onderteken, wat vereis het dat die Fase II-uitbreiding van die metro voltooi moes wees vir die Universiade.[31] Die Shenzhense Moltrein het in Junie 2011 tot meer as honderd operasionele moltreinstasies gegroei, net voor die Shenzhen Universiade speletjies. In die ruimte van twee weke het die netwerk gegroei van 64 km (40 myl) na 177 km (110 myl). Hierdie uitbreiding het die aandeel van spoorvervoer in die totale openbare vervoerreise van 6% na 29% in 2014 verhoog.

Fase III (2012–2023)

In 2010 het die Shenzhen Stadsbeplanning- en Grondhulpbronnekomitee ’n bouprogram (Fase III) tussen 2011 en 2020 voorgestel. In 2011 is hierdie plan deur die NDRC goedgekeur. Fase III het amptelik in Mei 2011 begin, met verwagte koste van 125,6 miljard yuan. Dit sal die Lyntakke 6, 7, 8, 9 en 11 dek en die lengte van die Shenzhense Moltrein tot 348 kilometer (216 myl) en 10 lyne uitbrei. In Junie 2011 het die Shenzhen Stadsbeplanning- en Grondhulpbronnekommissie begin om openbare insette oor Fase III-stasie name te versamel.[38] Op 28 Junie 2016 het Lijn 11 oopgemaak, wat die eerste metrolyn in Shenzhen was met 8-watreine en ’n maksimum diensspoed van 120 km/h (75 mph) en die eerste in China met ’n Eerste Klas-diens. Lyne 7 en 9 het gevolg op 28 Oktober 2016. Die suidelike uitbreiding van Lyn 5 is op 28 September 2019 geopen, en die westelike uitbreiding van Lyn 9 het op 8 Desember 2019 oopgemaak. Lyne 6 en 10 het op 18 Augustus 2020 oopgemaak, wat die lengte van die Shenzhense Moltrein tot 382,1 km (237,4 myl) gebring het en dit die vierde langste in China gemaak het. Die tweede oos-uitbreiding van Lyn 2, die tweede suidelike uitbreiding van Lyn 3, die tweede noordelike uitbreiding van Lyn 4 en fase 1 van Lyn 8 is op 28 Oktober 2020 in gebruik geneem, wat die lengte van die Shenzhense Moltrein tot 411 km (255 myl) verhoog het.

Toekomsplanne

In 2016 is ’n meesterplan bekendgestel, wat die voorheen beplande 20 lyne tot 32 uitbrei. Die nuwe plan beoog ’n 1 142 km (710 myl) metro-netwerk wat teen 2030 voltooi sal wees. Dit sal reis tussen die sentrale sakegebied en die voorstede van Shenzhen tot 45 minute verkort en openbare vervoer sal meer as 70% van alle gemotoriseerde reise in Shenzhen uitmaak.

Passasiersverkeer

Sedert die opening van die eerste fase in 2004, het passasiersverkeer geleidelik toegeneem. In 2009 en 2010 het die verkeer dramaties toegeneem met die opening van verskeie tweede- faselyne, en in 2010 is ’n drievoudige styging in passasiersverkeer aangeteken. Op 12 Julie 2019 het die Shenzhense Moltrein ’n nuwe rekord van 6,63 miljoen passasiers op een dag aangeteken.

Julie is gereeld die besigste maand van die jaar, wat 9,3% van die jaarlikse passasiersverkeer uitmaak, terwyl Januarie die stilste maand is met slegs 6,7%. Hierdie patroon word toegeskryf aan Shenzhen se groot migrerende werkersbevolking.

Eksterne skakels

• Amptelike webwerf