Shuji Nakamura

Hierdie artikel bevat nie ’n bronnelys nie, wat beteken dat die inhoud nie geverifieer kan word nie. Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg.

Shuji Nakamura (中村 修二, Nakamura Shūji, gebore 22 Mei 1954) is 'n Japannese-Amerikaanse elektroniese ingenieur en uitvinder van die blou LED, 'n groot deurbraak in beligtingstegnologie. Nakamura spesialiseer in die veld van halfgeleiertegnologie, en hy is 'n professor in materiaalwetenskap aan die College of Engineering van die Universiteit van Kalifornië, Santa Barbara (UCSB).

Saam met Isamu Akasaki en Hiroshi Amano het Nakamura die 2014 Nobelprys vir fisika ontvang “vir die uitvinding van doeltreffende blou ligdiodes, wat helder en energiebesparende wit ligbronne moontlik gemaak het”. In 2015 is sy insette in die kommersialisering en ontwikkeling van energiedoeltreffende wit LED-beligtingstegnologie deur die Global Energy-prys erken. In 2021 is Nakamura, saam met Akasaki, Nick Holonyak, M. George Craford en Russell D. Dupuis, met die Koningin Elizabeth-prys vir Ingenieurswese bekroon "vir die skepping en ontwikkeling van LED-beligting, wat die basis vorm van alle vastestofbeligtingstegnologie".

Eksterne skakels

• Wikimedia Commons het meer media in die kategorie Shuji Nakamura.