Simmentaler (bees)

in Wikipedia, die vrye ensiklopedie
Tradisionele Simmentalerkoei op bergweiding (Engstligenalp)
Suiwergeteelde swart Simmentalerbul in Noord-Amerika

Die Simmentaler of Switserse Fleckvieh is 'n Switsersgeteelde dubbeldoelbeesras. Dit is vernoem na die Simmental – die vallei van die Simmerivier – in Berner Oberland, in die kanton Bern in Switserland. Dit is rooierig van kleur met wit merke, en word gebruik vir beide melk en vleis.

Geskiedenis[wysig | wysig bron]

Europese oorsprong[wysig | wysig bron]

As een van die ouer en wydverspreidste beesrasse in die wêreld, en aangeteken sedert die Middeleeue, het die Simmentalerras bygedra tot die skepping van 'n paar ander bekende Europese rasse, insluitende die Montbeliarde (Frankryk), die Pezzata Rossa d'Oropa (Italië), en die Fleckvieh (Duitsland en Oostenryk).

Afrika[wysig | wysig bron]

Namibië (1893) en Suid-Afrika (1905) was die eerste lande buite Europa waar die ras suksesvol gevestig is. Hier is die ras hoofsaaklik gebruik vir vleisproduksie. Tans is die telersgenootskap, so ver as wat dieregetalle betref, die vierde grootste van die 32 nie-melkkoeirasse in Suid-Afrika.

Die vernaamste redes vir hul gewildheid is

  1. hul kan gebruik word met groot sukses in kruisteling vir die teel van beide koeie met baie melk en swaar osse,
  2. 'n groot aantal verteenwoordig prestasie-getoetste bulle,
  3. omvattende advies en ander rasverbeteringsdienste aan sy telers, en
  4. diere wat nie die streng inspeksies deur raskenners slaag nie, word permanent uitgeskakel.[1]

Verskillende name[wysig | wysig bron]

Die ras is ook bekend onder die volgende name:

  • Fleckvieh Simmental: Argentinië.
  • Simmental: Australië, Brasilië, Bulgarye, Kanada, Brasilië, Denemarke, Frankryk (vroeë 1990's het die naam verander van Pie Rouge), Ierland, Meksiko, Nieu-Seeland, Pole, Swede, Switserland (SI-afdeling), die Verenigde Koninkryk, die VSA, Zambië en Zimbabwe.
  • Fleckvieh: Oostenryk, Duitsland, Nederland, Spanje, Switserland (SF-afdeling) en Uruguay.
  • Simmentaler: Suid-Afrika en Namibië.

Eienskappe[wysig | wysig bron]

'n Switserse Simmentaler entrecôte steak

Tradisioneel[wysig | wysig bron]

Die Simmentaler is histories gebruik vir suiwel en vleis, en as trekosse. Hulle is veral bekend vir die vinnige groei van hul kalwers, indien voldoende voer verskaf word. Simmentalers groei vinniger en produseer meer melk as enige ander ras.[2]

Verwysings[wysig | wysig bron]

  1. "Simmentaler in Southern Africa" (in Engels). Simmentaler SA. Geargiveer vanaf die oorspronklike op 17 Maart 2012. Besoek op 23 Januarie 2011.
  2. Study conducted by S.P. Miller and J.W. Wilton for the Centre for Genetic Improvement of Livestsock at the University of Guelph.