Sisilië

in Wikipedia, die vrye ensiklopedie
Jump to navigation Jump to search
---Sidenote START---
Wapen en vlag
Die Sisiliaanse wapen Die Sisiliaanse vlag
Algemene gegewens
Volkslied: Madreterra
(Sisiliaans vir: "Moederland")
Hoofstad: Palermo
Amptelike tale: Italiaans en Sisiliaans
Administratiewe verdeling: 9 provinsies
Oppervlakte: 25 711 vk km
Bevolking: 5 029 675 (2017)
Bevolkingsdigtheid: 195,6 inwoners per vk km
Webwerf: pti.regione.sicilia.it
ISO 3166-2: IT-82
President: Nello Musumeci (Diventerà Bellissima)
Kaart
Die ligging van Sisilië in Italië

Sisilië (Italiaans: Sicilia, [siˈtʃiːlja]; Sisiliaans: Sicìlia) is 'n eilandgebied van Italië in die Middellandse See en 'n outonome administratiewe gewes van Italië. Die eiland is in Europa in die suidweste van Italië, in die suidooste van Sardinië en ten noorde van Malta geleë.

Nasa-Satellietbeeld van Sisilië
Kaart van Sisilië

Sisilië is die grootste eiland in die Middellandse See. Sisilië het 'n bevolking van 5 029 675 in 2017 gehad en beslaan 'n oppervlakte van 25 711 km². Die hoofstad en grootste stad is Palermo. Die amptelike tale is Sisiliaans en Italiaans.

Geografie[wysig | wysig bron]

Die vulkaan Etna is 'n bekende vuurspuwende landmerk op Sisilië.

Vervoer[wysig | wysig bron]

Daar is sowel treinverbindings as motorweë tussen Sisilië en die punt van Italië. Hoewel 'n reuse vervoerbrug al sedert 1865 beplan word, word treine en motors steeds op veerbote gelaai om die water na en van die vasteland oor te steek.

Padvervoer[wysig | wysig bron]

In die jongste vier dekades is motorweë dwarsoor die eiland gebou en uitgebrei. Die bekendste van die Sisiliaanse paaie is die autostrada wat langs die noordelike deel van die eiland loop. Groot dele van die motorweg is op pilare gebou, as gevolg van die bergagtige terrein van die eiland.[1][2][3][4] Ander hoofweë in Sisilië is die SS.113 Strade Statali wat Trapani met Messina (via Palermo) verbind, die SS.114 Messina-Sirakuse (via Catania) en die SS.115 Sirakuse-Trapani (via Ragusa, Gela en Agrigento).

Spoorvervoer[wysig | wysig bron]

Die eerste spoorlyn in Sisilië is in 1863 tussen Palermo en Bagheria geopen. Vandag word al die Sisiliaanse provinsies tussen meeste dorpe en stede, deur 'n netwerk spoorverbindings bedien deur Trenitalia. In Catania is daar sedert 1999 'n Metrotrein wat op 'n deel van die FCE spoorlyn loop.

Lugvervoer en hawens[wysig | wysig bron]

Daar is lughawens in Catania, Palermo en Trapani.

Ter see word Sisilië deur verskeie veerbootroetes en vraghawens bedien, en in alle groot stede dok lynskepe op 'n gereelde basis.

Fotogalery[wysig | wysig bron]

Sien ook[wysig | wysig bron]

Verwysings[wysig | wysig bron]

  1. (it) "A 19 autostrada Palermo – Catania". SiciliaEMoto.it. 2 Januarie 2008. 
  2. (it) "Autostrada A20: Messina – Palermo". Sicilia.Indettaglio.it. 24 Oktober 2007. 
  3. (it) "A 29 autostrada Palermo – Trapani – Mazara del Vallo". SiciliaEMoto.it. 2 Januarie 2008. 
  4. (it) "Autostrada: A18 Messina – Catania". Sicilia.Indettaglio.it. 24 Oktober 2007. 

Eksterne skakels[wysig | wysig bron]


Vlag van Italië

Streke van Italië

Abruzze (Abruzzo)Apulië (Puglia)BasilicataKalabrië (Calabria)Kampanië (Campania)Emilia-RomagnaFriuli-Venezia GiuliaLatium (Lazio)Ligurië (Liguria)Lombardye (Lombardia)Marke (Marche)MolisePiëmont (Piemonte)Sardinië (Sardegna)Sisilië (Sicilia)Toskane (Toscana)Trentino-Suid-Tirol (Trentino-Alto Adige) • Umbrië (Umbria)
Valle d'AostaVeneto