Chinese bergkat

in Wikipedia, die vrye ensiklopedie
(Aangestuur vanaf Sjinese bergkat)
Jump to navigation Jump to search
Chinese bergkat
Felis silvestris bieti in XiNing Wild Zoo
Bewaringstatus

Status iucn3.1 VU af.svg
Kwesbaar (IUBN 3.1)[1]

Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Carnivora
Familie: Felidae
Genus: Felis
Spesie: F. silvestris
Subspesie: F. s. bieti
Trinomiale naam
Felis silvestris bieti[2]
Verspreiding van die Chinese bergkat (in groen).
Verspreiding van die Chinese bergkat (in groen).

Die Chinese bergkat (Felis silvestris bieti), ook bekend as die Chinese woestynkat, is ’n klein wildekat van Wes-China. Dit is die onbekendste lid van die genus Felis. Dit is voorheen as ’n aparte spesie, die Felis bieti, beskou. In 2007 het genetiese toetse getoon die kat is ’n subspesie van die wildekat, Felis silvestris.[1] Dit word deur die IUBN geklassifiseer as 'n kwesbare spesie.

Beskrywing[wysig | wysig bron]

Die kat lyk soos ’n Europese wildekat, buiten die kleur van sy pels, wat sandkleurig is met donker dekhare. Die onderkant van die kat is witterig en daar is swart ringe aan die stert en bene. Daar is dowwe, donker horisontale strepe aan die gesig en bene, wat soms skaars merkbaar is.[3]

Hulle is sowat 69-48 cm lank, plus ’n stert van sowat 29-41 cm. Die massa van volwasse katte kan wissel van 6,5 tot 9 kg. Hulle het ’n relatief breë kop en lang hare tussen hul tone.[3]

Verspreiding[wysig | wysig bron]

Die kat is endemies aan China. Beperkte getalle kom voor in die noordoostelike dele van die Tibettaanse Plato in Qinghai en Noord-Sichuan.[4] Hulle woon in yl beboomde woude en beboste gebiede.[3]

Chinese bergkatte is snags aktief wanneer hulle vir klein knaagdiere en voëls jag.

Verwysings[wysig | wysig bron]

  1. 1,0 1,1 Breitenmoser, U., Breitenmoser-Wursten, C., Sanderson, J., Mallon, D.P. & Driscoll, C. (2008). Felis silvestris ssp. bieti. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 27 Januarie 2012.
  2. "The Near Eastern Origin of Cat Domestication". Besoek op 27 Januarie 2012. 
  3. 3,0 3,1 3,2 Sunquist, Mel (2002). Wild cats of the World. Chicago: University of Chicago Press. p. 57–59. ISBN 0-226-77999-8. 
  4. Li He, Rosa García-Perea, Ming Li and Fuwen Wei: Distribution and conservation status of the endemic Chinese mountain cat Felis bieti. Oryx (2004), 38: 55-61 Cambridge University Press. 2004

Eksterne skakels[wysig | wysig bron]


Hierdie artikel is in sy geheel of gedeeltelik vanuit die Engelse Wikipedia vertaal.