Skoeloeloe

in Wikipedia, die vrye ensiklopedie
Jump to navigation Jump to search

Skoeloeloe is 'n kinderspeletjie.

Reëls[wysig | wysig bron]

Kinders deel in twee spanne:

  • Binnespan - dié wat uitvang, raakgooi en dien.
  • Buitespan - dié wat die bal moet slaan/skop en heen-en-weer hardloop tussen twee lyne.

Twee paralelle lyne word getrek, enige iets van 25 tot 100 meter uitmekaar, na gelang van die ouderdom en bereidwilligheid om te hardloop. Die doel van die buitespan wat buite die twee lyne staan is om enige speler 12 keer heen-en-weer te laat hardloop van lyn tot lyn voordat hy/sy uitgegooi word. Indien 'n bal wat deur 'n speler geslaan of geskop is en in die lug uitgevang word, soos met krieket, is daardie speler uit. Die speler wat 12 keer heen-en-weer gehardloop kry sonder om uitgegooi te word, skree "skoeloeloe" en bring al die kinders in sy span wat uitgegooi was weer terug in die spel.

Die doel van die binnespan tussen die twee lyne is om al die buitespanspelers uit te kry voordat iemand skoeloeloe maak.

Een speler dien die bal aan die ander deur 'n bal in die lug te gooi vir slaan of op die grond te rol vir skop. Dit mag nie te hard wees nie. Die binnespan staan binne gerankskik in die veld om die bal wat geslaan/geskop word te vang en spelers uit te vang of uit te gooi. Binnespanspelers vang die bal en gooi enige speler wat hardloop om punte te maak, uit. Enige speler wat deur 'n bal geraak word, is uit. Anderkant die lyn is hulle veilig en mag nie gegooi word nie.