Slag van Talana

Slag van Talana
Deel van Tweede Vryheidsoorlog
Datum 20 Oktober 1899 Ligging Dundee, Natal, Suid-Afrika Resultaat Britse taktiese oorwinning
Strydende partye
Verenigde Koninkryk	Zuid-Afrikaansche Republiek
Bevelvoerders
Luitenant-Generaal Sir William Penn Symons KCB †	Generaal Lukas Meyer Generaal Maroela Erasmus
Sterkte
4000	3000
Ongevalle
41 dood, 185 gewond, 220 gevang of vermis	23 dood, 66 gewond, 20 vermis

Die Slag van Talana het op 20 Oktober 1899 by die Talanakoppie naby Dundee, KwaZulu-Natal tydens die Tweede Vryheidsoorlog plaasgevind. Hierdie was die eerste geveg in die Natal arena van die oorlog en ook die eerste waar die Britse troepe kakie-uniforms gedra het.

Die geveg

Koperplaat ter herdenking aan die Slag van Talana aan die kerkgebou van die NG gemeente Dundee.

Die marmerblad teen die toring van die NG moederkerk op Dundee met die name van die gesneuweldes.

Die geveg het op en om die Talanaheuwel (in Zoeloe beteken die naam:die rak waarop die kosbare goed gebêre het) plaasgevind. Die heuwel is 1 442 m hoog. Op 20 Oktober 1899 het die Boeremagte onder bevel van generaal Lukas Meyer die heuwel beset en die Britse magte van majoor-generaal sir William Penn Symons aangeval. Symons se opdrag was juis om die steenkoolvelde teen die Boeremagte te beskerm. Symons is noodlottig gewond terwyl hulle probeer het om die Boeremagte te verdryf. Kolonel JH Yule het die bevel oorgeneem en eindelik daarin geslaag om die Boere van die heuwel af te verdryf. Dit was dus 'n Britse oorwinning.

Bronne

• Ensiklopedie van Suidelike Afrika. Eric Rosenthal 1967
• The Hall Handbook of the Anglo Boer War. Darrell Hall. 1999. ISBN 0-86980-943-1
• Op Pad in Suid-Afrika. B.P.J. Erasmus. 1995 ISBN 1-86842-026-4