Gaan na inhoud

Soeppiloelioema II

in Wikipedia, die vrye ensiklopedie
Soeppiloelioema II
Koning van die Hetiete
'n Reliëf van Soeppiloelioema II in Hattoesa.
'n Reliëf van Soeppiloelioema II in Hattoesa.
Bewind Vanaf c. 1207 v.C.
(middelchronologie)
Voorganger Arnoewanda III
Opvolger Toedhalija V ?
Vader Toedhalija IV

Soeppiloelioema II, die seun van Toedhalija IV, was sover bekend die laaste groot koning van die Hetitiese Ryk. Sy bewind het omstreeks 1207 v.C. begin en tot 'n onbekende tyd geduur. Hy was koning saam met Toekoelti-Ninoerta I van die Middel-Assiriese Ryk.

Lewe en bewind

[wysig | wysig bron]

Soeppiloelioema was 'n jonger seun van Toedhalija IV en het sy ouer broer, Arnoewanda III, opgevolg.[1]

Kamer 2 by Hattoesa, at deur Soeppiloelioema II laat bou en versier is.

Soeppiloelioema II het blykbaar 'n onbestendige situasie binne en buite die ryk geërf. Militêre veldtogte tydens sy bewind is bekend van twee inskrywings in Loewies. Hulle beskryf oorloë teen die voormalige vasal Tarhoentassa, en teen Alasija (Siprus). Die twee inskripsies is ontdek in wat bekend is as Kamer 2, 'n waterreservoir wat beskryf is as 'n ingang na die onderwêreld.[2]

Die reliëfs en inskripsies in Kamer 2 is histories belangrik omdat hulle vertel van die politieke onstabiliteit gedurende Soeppiloelioema II se bewind, soos baie van sy verowerings in Suidwes-Anatolië.[3] Dit vertel ook van sy aanval op die vyandelike regering in Tarhoentassa, 'n Hetitiese stad wat vir 'n kort tyd onder Moewatalli II die hoofstad van die ryk was. Tarhoentassa is verslaan, verwoes en geannekseer.[4]

Om die Hetitiese beheer oor Suid-Anatlië te herstel was waarskynlik 'n belangriker kwessie as trots, soos gesuggereer word deur verwysings na dringende graanvoorraad wat van farao Merneptah van Egipte en van Noord-Sirië af gestuur is. Dit dui op 'n hongersnood in Anatolië of die breër Oos-Mediterreense streek in die laat 13 eeu v.C.[5]

Nadat Alasjija tydens sy vader se bewind aangeval is, het 'n vloot onder bevel van Soeppiloelioema II óf die Sipriote óf 'n groep van die sogenaamde Seevolke wat hulle op die eiland gevestig het, aangeval. Dit was die eerste aangetekende vlootoorlog in die geskiedenis.[6][7]

Dit was waarskynlik Soeppiloelioema II wat die hoofstad Hattoesa verlaat het[8][9] en dalk so bygedra het tot die val of verdwyning van die Hetitiese Ryk omdat hy nooit na Hattoesa teruggekeer het nie.[10] Die Hetitiese Ryk het ineengestort aan die einde van sy bewind. Die redes is onduidelik en kan 'n kombinasie van natuurverskynsels wees, soos droogtes en aardbewings, waartoe interne en eksterne wedywering of politieke en militêre stres bygedra het.

Moontlike opvolger

[wysig | wysig bron]

Hoewel Soeppiloelioema II gewoonlik as die laaste koning van Hatti beskou word, word voorgestel hy het minstens een opvolger gehad: moontlik sy seun Toedhalija V.[11]

Verwysings

[wysig | wysig bron]
  1. ↑ Bryce 2005: xv, 327; Freu 2010: 178 gives the accession year as c. 1210, but notes that it is very approximate.
  2. ↑ Bryce 2005: 329.
  3. ↑ Bryce 2005: 329, 482, n. 17; Freu 2010: 201-205.
  4. ↑ Bryce 2005: 329; Freu 2010: 205.
  5. ↑ Bryce 2005: 331-332.
  6. ↑ Bryce 2005: 332-333; Freu 2010: 199-201.
  7. ↑ Battle at Sea: 3,000 Years of Naval Warfare. R.G. Grant. 2008. Besoek op 10 Augustus 2010
  8. ↑ Jürgen Seeher, (2001), Die Zerstörung der Stadt Hattusa, in G. Wilhelm, 623–34.
  9. ↑ Simon 2009: 260.
  10. ↑ Bryce 2012: 9-13.
  11. ↑ Simon 2009: 247-248.

Bibliography

[wysig | wysig bron]
  • Astour, Michael, "New Evidence on the Last Days of Ugarit," American Journal of Archaeology 69 (1965) 253-258.
  • Bryce, Trevor, The Kingdom of the Hittites, Oxford, 2005.
  • Bryce, Trevor, The World of the Neo-Hittite Kingdoms, Oxford, 2012.
  • Freu, Jacques, and Michel Mazoyer, Le déclin et la chute du nouvel empire Hittite, Paris, 2010.
  • Freu, Jacques (2010–2011), "Le vase d'argent du musée des civilisations anatoliennes d'Ankara et la fin de l'empire hittite," Talanta 42–43 (2010–2011) 185-192.
  • Güterbock, H.G., "The Hittite Conquest of Cyprus Reconsidered," Journal of Near Eastern Studies 26 (1967) 73-81.
  • Haas, Volkert, Die hethitische Literatur, Berlin, 2006.
  • Weeden, Mark, "After the Hittites: the kingdoms of Karkamish and Palistin in northern Syria," Bulletin of the Institute of Classical Studies 56:2 (2013) 1-21.
  • Zsolt, Simon, "Die ANKARA-Silberschale und das Ende des hethitischen Reiches," Zeitschrift für Assyriologie 99 (2009) 247-269.

Skakels

[wysig | wysig bron]
Ontsluit van "https://af.wikipedia.org/w/index.php?title=Soeppiloelioema_II&oldid=2737782"