Sol Plaatje-universiteit

in Wikipedia, die vrye ensiklopedie
(Aangestuur vanaf Sol Plaatje Universiteit)
Jump to navigation Jump to search
Sol Plaatje-universiteit

Leuse in Afrikaans:Lig uit Afrika - vir die Mensdom
Leuse in Engels:Light from Africa - for Humanity
Gestig:22 Augustus 2013 [1]
Tipe:Openbare universiteit
Voorsitter:Regter Yvonne Mokgoro
Voorsittende Beampte:Me. JA Glennie
Kanselier:Regter Stevan Majiedt
Ligging:Kimberley, Noord-Kaap
28°44′54.816″S 24°45′54.5688″O / 28.74856000°S 24.765158000°O / -28.74856000; 24.765158000Koördinate: 28°44′54.816″S 24°45′54.5688″O / 28.74856000°S 24.765158000°O / -28.74856000; 24.765158000
Kleure:          Oranje en rooi
Webtuiste:[1]

Die Sol Plaatje-universiteit, vernoem na Sol Plaatje, is in 2014 in Kimberley, Suid-Afrika, geopen. Dit het 'n beskeie aanvanklike inname van 135 studente gehad. Die studenteversameling sal na verwagting geleidelik toeneem tot 'n teikengetal van 7 500 studente in 2024. Daar is oorspronklik na die universiteit verwys as die "Universiteit van die Noord-Kaap".

Vorming[wysig | wysig bron]

Die idee om 'n universiteit in die Noord-Kaap te stig, het in 2012 'n politieke endossement behaal,[2] veral in president Jacob Zuma se aankondiging van 5 Julie 2012 dat die setel en hoofkampus van die universiteit in die hoofstad van die Noord-Kaap, Kimberley sal wees. Die provinsie het tot dusver nog nie oor 'n openbare universiteit beskik nie. Die idee het wettige substansie behaal toe 'n oorkonde van voorneme op 19 Maart 2013 deur amptenare in Kimberley onderteken is. Lede in die ooreenkoms was die nasionale minister van hoër onderwys, Blade Nzimande, die Noord-Kaapse provinsie se waarnemende premier Grizelda Cjiekella en die burgemeester van die Sol Plaatje-munisipaliteit, Agnes Ntlhangula.[3]

Stigting[wysig | wysig bron]

Op 22 Augustus 2013 is dit in die Staatskoerant amptelik afgekondig[4] en op 19 September 2013 is dit in 'n seremonie in Kimberley bekend gestel.[5] Minister van Hoër Onderwys en Opleiding, Blade Nzimande, het in sy bekendstellingstoespraak opgemerk dat hierdie universiteit "die eerste nuwe universiteit (in Suid-Afrika) is wat sedert 1994 van stapel gestuur word, en as sodanig 'n kragtige simbool van die land se demokrasie, inklusiwiteit en groei is. Dit verteenwoordig 'n nuwe orde van Afrika-intellek, met 'n ferm fokus op innovasie en uitnemendheid". Voormalige president Jacob Zuma het in sy bekendstellingstoespraak genoem, "gesiene die ryk erfenis van Kimberley en die Noord-Kaap in die breë, word beplan dat Sol Plaatje (Universiteit) in erfenis-studies sal spesialiseer, insluitend die onderling-verwante akademiese velde van museum-bestuurswese, argeologie, inheemse tale en restourasie-argitektuur".

Kampus[wysig | wysig bron]

Die Sol Plaatje-universiteit beslaan 'n kombinasie van bestaande en doelgeboude strukture in die middestad van Kimberley, spesifiek die vorige burgersentrum, insluitend dele van die Oppenheimer-tuine en omliggende geboue.[6][7] Dit sluit ook in die voormalige Kaapse Provinsiale Administrasiegebou wat deur die Nasionale Instituut vir Hoër Onderwys gebruik was.[8]

In Mei 2013 het die Departement van Hoër Onderwys en Opleiding die argitekte van die nuwe universiteite (van Noord-Kaap en Mpumalanga) se projekbestuurspan genooi om deel te neem aan 'n dubbelfase argitektuurkonsepkompetisie om die behoefte aan nuwe geboue in oënskou te neem en "innoverende idees te bevorder, en beste praktyk konsepte, sowel as om talentvolle ontwerpers te identifiseer om deel te neem aan die ontwerp van die universiteitsgebiede en geboue."

Die huidige skedule vir die hoofampus is die ingebruikneming van die hoofgebou aan die begin van 2020 asook die Akademiese Kantoorgebou van die Natuur- en Toegepaste Wetenskappe, wat 'n 165-sitplek-raadsaal en kantore vir die kanseliers en departementshoofde insluit. Teen 2020 sal die toegepaste-wetenskap-gebou beskikbaar wees. Hierdie gebou bevat op die grondvloer en die 1ste verdieping, twee 320-sitplek-ouditoriums, twee 180-sitplek-ouditoriums en vier 90-sitpleklokale wat die generiese klaskameropsies aansienlik sal verhoog. Ook teen 2020 sal die kunsteblok, ontwerp vir Geesteswetenskappe sowel as Opvoedkunde, beskikbaar wees. Hierdie gebou sluit geriewe in vir die Opvoedkundige Grondslagfase en Geesteswetenskaplike erfenisprogramme.[9]

Verwysings[wysig | wysig bron]

  1. http://www.gov.za/documents/download.php?f=197167
  2. http://www.iol.co.za/news/politics/northern-cape-anc-mulls-university-idea-1.1315609#.UaEbJNhRcX0
  3. http://www.timeslive.co.za/local/2013/03/21/northern-cape-s-first-university-to-open-in-2014
  4. http://www.gov.za/documents/download.php?f=197167
  5. http://www.bdlive.co.za/national/education/2013/09/19/new-sol-plaatje-university-marks-milestone-in-transformation
  6. "R14.5 million deal part of planned NC University: Oppenheimer Gardens Sold". Diamond Fields Advertiser. 28 Februarie 2013. 
  7. "More details on planned university for city: The Big Plan". Diamond Fields Advertiser. 1 Maart 2013. 
  8. Beangstrom, Patsy (24 Mei 2013). "Sport, Arts and Culture - Budget". Diamond Fields Advertiser. p. 2. 
  9. https://www.spu.ac.za/index.php/infrastructure/