Sonja

Sonja is 'n 66 minuut lange Afrikaanse liefdesdrama wat in 1978 vrygestel is.^[1] Die film is deur Daan Retief geregisseer met 'n draaiboek gebaseer op die oorspronklike verhaal deur Emil Nofal en verwerk deur Daan Retief. Die film is vervaardig deur Mimosa Films in samewerking met Constantia Films (Bill Troskie) en versprei deur Mimosa Films/Ster-Kinekor.^[1]

Sinopsis

Die verhaal handel oor Sonja (Petru Wessels) en haar man, Chris (Hans Strydom). Chris is obsessief oor die verwekking van 'n kind om die voortbestaan van die trotse De la Rey-familie te verseker. Sy vrou ontdek egter dat Chris nie in staat is om 'n kind te verwek nie. As uitweg uit hierdie dilemma raak sy swanger by 'n vriend, Martin (Will Roberts). Haar beste vriendin, Nicolene (Elma Potgieter), wat verlam is en heimlik verlief is op Chris, besef dat Chris nie die pa is nie. Sy dreig dan om die waarheid bekend te maak, tensy Sonja van Chris skei.^[1]

Rolverdeling

Die rolverdeling is Hans Strydom (as Chris), Petru Wessels (as Sonja), Will Roberts (as Martin), Elma Potgieter (as Nicolene), Zack du Plessis, Gert van Tonder, en Roelf Jacobs.^[1]

Verwysings

1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[Steyn2015-1] 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[1]