Sonneblom uit Parys

Sonneblom uit Parys is 'n Afrikaanse rolprent wat in 1974 vrygestel is.^[1] Die film is deur Sias Odendaal geregisseer met 'n draaiboek gebaseer op die radio-vervolgverhaal Wat sal wees, sal wees deur Danie van Eeden. Die draaiboekverwerking is deur André P. Brink gedoen. Die film is vervaardig deur Lindie Films / Tommie Meyer en versprei deur Rand Films.^[1]

Sinopsis

Die verhaal handel oor Yvonne Roux (Babs Laker), 'n welgestelde moeder wie se oormatige liefde haar kinders se lewens verwoes, al glo sy dat sy in hul beste belang optree. Haar seun, Johan (Will Roberts), in haar oë die toonbeeld van al haar ambisies en erfgenaam van haar fortuin, is 'n geneesheer wat van plan is om met Linda Groenewald (Sybel Coetzee), 'n pragtige verpleegster uit 'n arm agtergrond, te trou. Sy moeder is egter vas gekant teen hierdie huwelik en beplan om dit te verongeluk. Intussen het Yvonne se dogter, Sanet (Anele Jonker), na Parys vertrek om musiek te studeer, maar raak daar betrokke by 'n mode-ontwerper (Bob Riley) en verwag 'n buite-egtelike kind. Hierdie gebeure lei uiteindelik tot 'n tragiese einde.^[1]

Rolverdeling

Die rolverdeling is Babs Laker (as Yvonne Roux), Will Roberts (as Johan Roux), Sybel Coetzee (as Linda Groenewald), Anele Jonker (as Sanet Roux), Bob Riley, Kristo Pienaar, Fanie Bekker en Kitty Albertyn.^[1]

Verwysings

1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[Steyn2015-1] 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[1]