Ulaanbaatar: Verskil tussen weergawes

in Wikipedia, die vrye ensiklopedie
Content deleted Content added
k r2.6.5) (robot Verander: ko:울란바토르
MerlIwBot (besprekings | bydraes)
k robot Bygevoeg: pap:Ulan Bator
Lyn 273: Lyn 273:
[[oc:Ulaan Baatar]]
[[oc:Ulaan Baatar]]
[[os:Улан-Батор]]
[[os:Улан-Батор]]
[[pap:Ulan Bator]]
[[pl:Ułan Bator]]
[[pl:Ułan Bator]]
[[pms:Ulaanbaatar]]
[[pms:Ulaanbaatar]]

Wysiging soos op 06:26, 11 Augustus 2012

Ulaanbaatar

Улаанбаатар
Stad
Ulaanbaatar, September 2007
Ulaanbaatar, September 2007
Vlag van Ulaanbaatar
Vlag
Wapen van Ulaanbaatar
Wapen
Koördinate: 47°55′N 106°55′O / 47.917°N 106.917°O / 47.917; 106.917
LandMongolië
Regering
 • BurgemeesterTsogt Batbayar
Oppervlak
 • Totaal4 704,4 km2 (1 816,4 vk. myl)
Hoogte
1 350 m (4 429 ft)
Bevolking
 • Totaal1,000,000 1 940 500
 • Digtheid213/km2 (550/vk. myl)
 • Metrodigtheid8 510/km2 (22 000/vk. myl)
TydsoneUTC+8
Poskode
210 xxx
Skakelkodes+976 (0)11
Webwerf[1]

Oelan Bator (Russies), of Ulaanbaatar (Mongools) is die hoofstad van Mongolië. Ulaanbaatar is in 1639 gestig en het aanvanklik as Örgöö bekend gestaan. In 1924 het Ulaanbaatar (wat "rooi held" beteken) die hoofstad van die nuwe Mongoolse Volksrepubliek geword ter ere van 'n Mongoolse volksheld Damdin Sükhbaatar, wie se soldate Mongolië van Ungern von Sternberg se troepe in samewerking met die Sowjet (Rooi Leër] bevry het. Vandag pruik Sükhbaatar se standbeeld op Ulaanbaatar se eenders genoemde stadsplein. Meer as 'n derde van Mongolië se yl bevolking woon in Ulaanbaatar.

Geografie

Ulanbaatar is ongeveer 1350 meter (4430 voet) bokant seespieël in die sentraal-oostelike deel van Mongolië aan die Tuulrivier ('n sytak van die Selenge rivier) en aan die voet van berg Bogd Khan Uul geleë.

Vanweë Ulaanbaatar se hoë ligging, se posisie op die breedtelyn en vêr afstand van die naaste kuslyn word dié stad allerweë as die koudste hoofstad in die wêreld beskou met 'n gemiddelde temperatuur van -1.3°C. In die lang droë winterseisoen daal die temperatuur so laag as -40°C, terwyl die temperatuur in die kort somers so hoog as 35°C styg. Die stad is in 'n sporadiese permabevrore sone geleë wat beteken dat dit moeilik is om fondamente te grawe. Voorstedelik inwoners woon dus hoofsaaklik in tradisionele gers wat maklik opgerig en verskuif kan word.[1]

Lêer:Mongolia 023.jpg
Standbeeld van 'n bergbok met die Natuurgeskiedenismuseum in die agtergrond

Geskiedenis

Gestig in 1639, Ulan Bator, toe bekend as Örgöö (Urga), was oorspronklik te Shireet Tsagaan nuur meer. Die meer is sowat 400 km van die huidige Ulaanbaatar in die Övörkhangai Provinsie, en was hoofsaaklik bedoel om as setel te dien vir die eerste Jebtsundamba, Zanabazar.

Administrasie en onderafdelings

Ulaanbaatar word in nege distrikte onderverdeel, te wete (Düüregs): Baganuur, Bagakhangai, Bayangol, Bayanzurkh, Chingeltei, Khan Uul, Nalaikh, Songino Khairkhan, en Sühbaatar. Elke distrik word verder in Khoroos onderverdeel.

Die hoofstad word deur 'n stadsraad regeer (die burgerverteenwoordigende Hural) met veertig lede wat elke vier jaar verkies word. Die stadsraad stel die burgermeester aan. Die huidige burgermeester is Tsogt Batbayar, wie ook die goewerneur van die sentrale provinsie is, i.e. Töv Aimag, wat die munisipaliteit van Ulaanbaatar omring.

Vervoer

Chinggis Khaan Internasionale Lughawe

Tussenstedelik en internasionaal: Ulaanbaatar word deur die Chinggis Khaan Internasionale Lughawe (voorheen die Buyant Ukhaa Lughawe) bedien Die staatsbeheerde lugredery MIAT Mongolian Airlines bedryf lugroetes tussen Mongolië en Suid-Korea, Sjina, Japan, Rusland en Duitsland.

Daar is ook spoorverbintennisse met die Trans-Siberiese Spoorweg via Naushki en die Sjinese spoorwegstelsel via Jining. Ulaanbaatar word verder deur oorwegend ongemerkte en ongeteerde paaie met ander dorpe verbind.

Binnestedelik vervoer: Die nasionale en munisipale regerings reguleer 'n omvattende stelsel van private vervoerdiensverskaffers. Hierdie diensverskaffers bedryf busroetes regoor die stad. Talle busse en trembusse is afkomstig uit Korea, Japan en die eertydse Sowjet Unie.

A sekondêre vervoerstelsel bestaan uit die gebruik van minibusse wat met die busse meeding en dikwels onwettig bedryf word. Ulaanbaatar het talle gelisensieerde huurmotors, hoewel privaatmotors ook informeel as huurmotors gebruik word. Elke motor is dus 'n potensiële huurmotor.

Onderwysinstellings

Ulaanbaatar het vyf universiteite: die Nasionale Universiteit van Mongolië, die Wetenskaplike en Tegnologiese Universiteit van Mongolië, die Universiteit van Gesondheid en Mediese Wetenskappe, 'n Opvoedkundige Universiteit en 'n Univeriteit vir Kuns en Kultuur. Daar is ook talle private en openbare kolleges en 'n geskiedkundige biblioteek met'n versameling antieke manuskripte uit Mongolië, Sjina en Tibet.

Beskrywing

Gorkhi-Terelj Nasionale Park

Die stad bestaan uit 'n sentrale gebied wat in die Sowjet veertiger- en vyftigjarige argitektuur gebou is. Die sentrale gebied word deur residensiële bloktorings en groter woonkwartiere omring. Die grondvloere van talle geboue is winkels omskep, terwyl nuwe winkelsentrums opgerig word.

Bekende landmerke en besienswaardighede sluit die volgende in:

Ambassades

Bulgarye , Sjina, die Tsjeggiese Republiek, Frankryk, Duitsland, Japan, Laos, Pole, Roemenië, Rusland, Taiwan, Turkeie, die Verenigde Koninkryk, en die Verenigde State van Amerika het almal ambassades in Ulaanbaatar. Suid-Afrika het in 1994 diplomatieke betrekkinge met Mongolië gesluit, hoewel Suid-Afrika geen ambassade in Mongolië het nie. [2][3][4][5][6]

Verwysings

Eksterne skakels