Erasmus Smit

Erasmus Smit (1778, Amsterdam, - 1863, Pietermaritzburg) was die eerste predikant van die Voortrekkers.

Hy is op 2 Augustus 1778 in Amsterdam gebore. Hy was die seun van 'n stuurman op 'n skip wat met die Wes-Indië handel gedryf het. Hy bring van sy jeugjare in 'n weeshuis deur. Hy word 'n sendeling in Amerika in 1801 en kom in 1804 in die Kaap aan. Hy werk saam met dr. J Vanderkemp op Bethelsdorp. Nadat die NG Kerk geweier het om hom te orden word hy 'n onderwyser. Hy trou met die suster van die Voortrekkerleier Gerrit Maritz en sluit hom in 1836 by die Voortrekkers aan. Hy word hulle nie-amptelike predikant, hou gereeld dienste, voltrek huwelike en vergesel die Trek na KwaZulu-Natal. Hy vestig hom op Pietermaritzburg waar hy in 1863 oorlede is.

Bron

• Ensiklopedie van Suidelike Afrika. Eric Rosenthal. 1967