Strandvlugbal

Met strandvlugbal word 'n blok as 'n kontak getel.

Strandvlugbal is 'n variant van die saalsport vlugbal.

Strandvlugbal word op sand, dikwels op strande langs die see, gespeel. Die belangrikse verskil met saalvlugbal is dat die spanne kleiner is. Tydens internasionale wedstryde het elke span twee spanlede, maar op laer vlak kan 'n span uit drie of vier lede bestaan.

Van die spelreëls wat van normale saalvlugbal verskil, sluit in:

• Spelers het nie 'n vaste posisie op die veld nie.
• Die bal is swaarder en sagter.
• Die veld is 8 by 16 meter groot.
• Daar is nie 'n middellyn nie, en dus is kan geen lynfoute oor sulke lyne gemaak word nie.
• Toue word gespan om die veld te omlyn. 'n Bal is 'in' as die (afdruk van die) bal die lyn raak.

Internasionaal

In 1996 het strandvlugbal 'n Olimpiese sport geword. Sedert 1997 organiseer die FIVB elke twee jaar 'n Strandvlugbal Wêreldkampioenskap.

Sien ook

• Vlugbal
• Sitvlugbal