Drakensberge: Verskil tussen weergawes

in Wikipedia, die vrye ensiklopedie
Content deleted Content added
EmausBot (besprekings | bydraes)
k r2.6.4) (robot Bygevoeg: kk:Айдаһар таулары
EmausBot (besprekings | bydraes)
k r2.7.2+) (robot Verander: eu:Drakensberg
Lyn 37: Lyn 37:
[[es:Drakensberg]]
[[es:Drakensberg]]
[[et:Draakonimäed]]
[[et:Draakonimäed]]
[[eu:Drakensberg mendiak]]
[[eu:Drakensberg]]
[[fi:Lohikäärmevuoret]]
[[fi:Lohikäärmevuoret]]
[[fr:Drakensberg (montagne)]]
[[fr:Drakensberg (montagne)]]

Wysiging soos op 05:27, 8 September 2012

Die Drakensberge in die somer.
Sneeu op die Drakensberge.

Die Drakensberge, wat oor 'n afstand van byna 1 000 kilometer van die Kaapse Stormberge deur die Vrystaat en KwaZulu-Natal tot by die Wolkberg in Mpumalanga strek, is die grootste bergreeks in Suider-Afrika, met die Thabana Ntlenyana ("Klein Berg") in Lesotho (3 482 meter) en die Mafadi in Suid-Afrika (3 451 meter) as sy hoogste punte. Ook 'n aantal van die ander pieke soos Cathkin Peak, Cathedral Peak, Cleft Peak, Giant's Castle en Sentinel verrys almal meer as 3 000 meter.

Die Drakensberge skei die hoogplato van die Suid-Afrikaanse binneland van die laerliggende kusgebiede in die ooste van die land en is die grootste waterskeiding. Die Oranje- en Tugelarivier, twee van Suid-Afrika se grootste riviere, het hulle oorsprong by die Mont-aux-Sources (Frans: "Berg by die bronne").

Die Drakensberge het hulle ontstaan sowat 150 miljoen jaar gelede aan vulkaniese uitbarstings te danke en is 'n oorblyfsel van 'n groter plato. Hulle Afrikaanse naam verwys na 'n ou legende waarvolgens dit die tuiste van vuurspuwende drake sou wees. Die Zoeloes noem die Drakensbergreeks uKhahlamba of "Versperring van spiese".

Sneeuval kom gereeld voor in die winter, terwyl mis en reën die hele jaar kan voorkom.

Die Koninklike Natalse Nasionale Park is een van die mees bekende in Suid-Afrika. Naas die oorsprong van die Tugelarivier en die tweede hoogste waterval ter wêreld, die Tugelawaterval (912 meter), spog die park met meer as 170 voëlspesies, waaronder die bedreigde lammervanger. Die sentrale gedeelte van die bergreeks beskik oor 'n groot aantal voetslaanpaaie, wat ook toegang bied tot die rotskuns van die Boesmans.

Die uKhahlamba of Nasionale Drakensbergpark in KwaZulu-Natal is deur UNESCO in 2000 as 'n wêrelderfenisgebied gelys.

Daar is baie bergpasse oor die Drakensberg waarvan die Sanipas een van die bekendste is.

'n Panoramiese uitsig oor Giant's Castle

Sien ook