Malaria

'n Rooibloedsel wat aangetas is deur P. vivax, 'n spesie protista wat malaria veroorsaak.

Malaria, afgelei van mala aria (Italiaans: "slegte lug") en in Engels formeel bekend as ague of marsh fever, is 'n parasitiese siekte wat ongeveer 350-500 miljoen mense aantas elke jaar, met 1.3 miljoen sterftes. Die siekte word hoofsaaklik in die trope aangetref. Ongeveer 85% van hierdie sterftes vind plaas in Sub-Sahara Afrika. Malaria word veroorsaak deur Plasmodium falciparum, P. vivax, P. malariae, P. knowlesi en P. ovale waarvan P. falciparum verantwoordelik is vir 80% van alle sterftes aan malaria.Wereld Gesondheids Organisasie

Malaria word oorgedra deur die wyfie van die Anopheles ssp. muskiet. Kinders onder die ouderdom van vyf jaar en verwagtende vroue is die vatbaarste vir malaria en word die ergste getref deur die siekte.

Simptome

Die simptome van malaria sluit die volgende in; koors, bewe, gewrig pyne, braking, anemia(a.g.v. die hemolise), hemoglobienuria(aanwesigheid van hemoglobien in die uriene), retinale skade en stuiptrekkings. Die kenmerkende simptoom van malaria is die sikliese aard van die koors wat se duur wissel tussen die verskillende spesies wat die siekte veroorsaak.